Kesuvina gadde palya recipe in Kannada | ಕೆಸುವಿನ ಗಡ್ಡೆ ಪಲ್ಯ ಮಾಡುವ ವಿಧಾನ

Kesuvina gadde palya maduva vidhana | ಕೆಸುವಿನ ಗಡ್ಡೆ ಪಲ್ಯ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 250gm ಕೆಸುವಿನ ಗೆಡ್ಡೆ
2. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ 
3. 1 ಟೀಸ್ಪೂನ್ ಧನಿಯಾ ಪುಡಿ 
4. 1/2 ಟೀಸ್ಪೂನ್ ಜೀರಿಗೆ ಪುಡಿ 
5. ಒಂದು ದೊಡ್ಡ ಚಿಟಿಕೆ ಅರಿಶಿನ ಪುಡಿ 
6. ಒಂದು ದೊಡ್ಡ ಚಿಟಿಕೆ ಇಂಗು 
7. ಒಂದು ಟೇಬಲ್ ಚಮಚ ಅಕ್ಕಿಹಿಟ್ಟು
8. 2 ಟೇಬಲ್ ಚಮಚ ಮೊಸರು
9. ಉಪ್ಪು ರುಚಿಗೆ ತಕ್ಕಷ್ಟು
10. ಒಂದು ಟೇಬಲ್ ಚಮಚ ಕತ್ತರಿಸಿದ ಕೊತ್ತಂಬರಿ ಸೊಪ್ಪು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 2 ಟೇಬಲ್ ಚಮಚ ಅಡುಗೆ ಎಣ್ಣೆ 
2. 1/2 ಚಮಚ ಸಾಸಿವೆ 
3. 1/2 ಟೀಸ್ಪೂನ್ ಜೀರಿಗೆ  
4. 4 - 5 ಕರಿಬೇವಿನ ಎಲೆ 

ಕೆಸುವಿನ ಗಡ್ಡೆ ಪಲ್ಯ ಮಾಡುವ ವಿಧಾನ:

1. ಕೆಸುವಿನಗಡ್ಡೆಯನ್ನು ತೊಳೆದು, ಒಂದು ಕುಕ್ಕರ್ನಲ್ಲಿ ಹಾಕಿ, ಅಗತ್ಯವಿದ್ದಷ್ಟು ನೀರು ಸೇರಿಸಿ, ಬೇಯಿಸಿಕೊಳ್ಳಿ. ಕುಕ್ಕರ್ ನಲ್ಲಿ ಒಂದು ವಿಷಲ್ ಮಾಡಿದರೆ ಸಾಕು. 
2. ನಂತ್ರ ಸಿಪ್ಪೆ ತೆಗೆದು  ದಪ್ಪದ ಗಾಲಿಗಳನ್ನಾಗಿ ಕತ್ತರಿಸಿ. 
3. ಒಂದು ಬಟ್ಟಲಿನಲ್ಲಿ ಅಚ್ಚ ಖಾರದ ಪುಡಿ, ಧನಿಯಾ ಪುಡಿ, ಜೀರಿಗೆ ಪುಡಿ, ಅರಿಶಿನ ಪುಡಿ, ಇಂಗು, ಅಕ್ಕಿ ಹಿಟ್ಟು ಮತ್ತು ಮೊಸರು ತೆಗೆದುಕೊಂಡು ಕಲಸಿ. 
4. ಅದಕ್ಕೆ ಬೇಯಿಸಿ, ಕತ್ತರಿಸಿದ ಕೆಸುವಿನ ಗಡ್ಡೆ ಹಾಕಿ, ಚೆನ್ನಾಗಿ ಕಲಸಿ ಪಕ್ಕಕ್ಕಿಡಿ. 
5. ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ. ಸಾಸಿವೆ, ಜೀರಿಗೆ ಮತ್ತು ಕರಿಬೇವಿನ ಒಗ್ಗರಣೆ ಮಾಡಿ. 
6. ಅದಕ್ಕೆ ಕಲಸಿಟ್ಟ ಕೆಸುವಿನ ಗಡ್ಡೆ ಹಾಕಿ ಸಣ್ಣ ಉರಿಯಲ್ಲಿ ಬೇಯಿಸಿ. ಆಗಾಗ್ಯೆ ಮಗುಚುತ್ತಾ ಇರಿ. ಗರಿಗರಿಯಾಗುವವರೆಗೆ ಬೇಯಿಸಬೇಕು. 
7. ಕೊನೆಯಲ್ಲಿ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಸೇರಿಸಿ ಮಗುಚಿ. ಸ್ಟವ್ ಆಫ್ ಮಾಡಿ. ಅನ್ನ ಅಥವಾ ಚಪಾತಿಯೊಂದಿಗೆ ಬಡಿಸಿ.

To see step by step pictures and to read more click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಮತ್ತು ಹೆಚ್ಚಿನ ವಿವರಣೆಗೆ ಇಲ್ಲಿ ಕ್ಲಿಕ್ಕಿಸಿ)

Rave onion dose recipe in Kannada | ರವೆ ಈರುಳ್ಳಿ ದೋಸೆ ಮಾಡುವ ವಿಧಾನ

Rave onion dose recipe in Kannada | ರವೆ ಈರುಳ್ಳಿ ದೋಸೆ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ ಹಿಟ್ಟು
2. 1/4 ಕಪ್ ಮೀಡಿಯಂ ರವೆ
3. 1/8 ಕಪ್ ಮೈದಾ ಹಿಟ್ಟು
4. 1 ಟೇಬಲ್ ಚಮಚ ಕಡ್ಲೆಹಿಟ್ಟು (ಬೇಕಾದಲ್ಲಿ)
5. 2 ಸಣ್ಣಗೆ ಹೆಚ್ಚಿದ ಈರುಳ್ಳಿ
6. 2.5 ಕಪ್ ನೀರು (ಸ್ವಲ್ಪ ಹೆಚ್ಚು ಕಡಿಮೆ; ದೋಸೆಕಲ್ಲು ಮತ್ತು ಹಿಟ್ಟಿನ ಗುಣಮಟ್ಟ ಅವಲಂಬಿಸಿ)
7. ಎಣ್ಣೆ ಅಥವಾ ತುಪ್ಪ (ದೋಸೆ ಮಾಡುವಾಗ ಬಳಸಲು)
8. ಉಪ್ಪು ರುಚಿಗೆ ತಕ್ಕಷ್ಟು

ಪದಾರ್ಥಗಳು (ಬೇಕಾದಲ್ಲಿ): ( ಅಳತೆ ಕಪ್ = 240 ಎಂಎಲ್ )

1. 1/2 ಟೀಸ್ಪೂನ್ ಜೀರಿಗೆ
2. 1 ಟೀಸ್ಪೂನ್ ಹೆಚ್ಚಿದ ಕೊತ್ತಂಬರಿ ಸೊಪ್ಪು 
3. 1 ಟೀಸ್ಪೂನ್ ಹೆಚ್ಚಿದ ಕರಿಬೇವಿನ ಸೊಪ್ಪು 
4. 5 - 6 ಜಜ್ಜಿದ ಕಾಳುಮೆಣಸು
5. 1/2 ಟೀಸ್ಪೂನ್ ಸಣ್ಣಗೆ ಹೆಚ್ಚಿದ ಶುಂಠಿ
6. 1 ಸಣ್ಣದಾಗಿ ಕೊಚ್ಚಿದ ಹಸಿರು ಮೆಣಸಿನಕಾಯಿ
7. ಚಿಟಿಕೆ ಇಂಗು
8. 1 ಟೇಬಲ್ ಚಮಚ ತೆಂಗಿನ ತುರಿ (ನಾನು ಬಳಸಲಿಲ್ಲ)

ರವೆ ಈರುಳ್ಳಿ ದೋಸೆ ಮಾಡುವ ವಿಧಾನ:

1. ಒಂದು ಪಾತ್ರೆಯಲ್ಲಿ ಅಕ್ಕಿ ಹಿಟ್ಟು, ರವೆ, ಕಡ್ಲೆಹಿಟ್ಟು ಮತ್ತು ಮೈದಾ ಹಿಟ್ಟು ತೆಗೆದುಕೊಳ್ಳಿ.
2. ನೀರು ಮತ್ತು ಉಪ್ಪು ಸೇರಿಸಿ ತೆಳುವಾದ ಹಿಟ್ಟು ತಯಾರಿಸಿಕೊಳ್ಳಿ. 
3. ಜೀರಿಗೆ, ಕೊತ್ತಂಬರಿ ಸೊಪ್ಪು, ಕರಿಬೇವಿನ ಸೊಪ್ಪು, ಹಸಿರುಮೆಣಸಿನಕಾಯಿ, ಕಾಳುಮೆಣಸು, ಇಂಗು ಮತ್ತು ಶುಂಠಿ ಸೇರಿಸಿ. 
4. ಚೆನ್ನಾಗಿ ಕಲಸಿ ಪಕ್ಕಕ್ಕಿಡಿ.
5. ಒಂದು ಬಾಣಲೆಯಲ್ಲಿ ಎರಡು ಚಮಚ ಎಣ್ಣೆ ಮತ್ತು ಸಣ್ಣಗೆ ಹೆಚ್ಚಿದ ಈರುಳ್ಳಿ ತೆಗೆದುಕೊಂಡು ಮೆತ್ತಗಾಗುವವರೆಗೆ ಹುರಿಯಿರಿ. 
6. ಬಿಸಿ ಆರಿದ ಮೇಲೆ ತಯಾರಿಸಿದ ಹಿಟ್ಟಿಗೆ ಸೇರಿಸಿ. ಅಗತ್ಯವಿದ್ದಷ್ಟು ನೀರು ಸೇರಿಸಿ ತೆಳ್ಳನೆ ಹಿಟ್ಟು ತಯಾರಿಸಿಕೊಳ್ಳಿ.  
7. ಕಬ್ಬಿಣದ ದೋಸೆ ಕಲ್ಲು ಅಥವಾ ನಾನ್ ಸ್ಟಿಕ್ ಪ್ಯಾನ್ ಬಿಸಿ ಮಾಡಿ. ದೋಸೆ ಕಲ್ಲು ಕಾದಿದೆಯೇ ಎಂದು ತಿಳಿಯಲು ಎರಡು ಹನಿ ನೀರು ಚಿಮುಕಿಸಿ, ಚರ-ಪರ ಸದ್ದಿನೊಂದಿಗೆ ಆವಿಯಾದಲ್ಲಿ ಕಾದಿದೆ ಎಂದರ್ಥ. ಕಬ್ಬಿಣದ ದೋಸೆ ಕಲ್ಲಾದಲ್ಲಿ ಎಣ್ಣೆ ಹಚ್ಚಿ. 
8. ಪ್ರತಿ ದೋಸೆ ಮಾಡುವ ಮುನ್ನ, ಹಿಟ್ಟನ್ನು ಚೆನ್ನಾಗಿ ಸೌಟಿನಲ್ಲಿ ಬೆರೆಸಿಕೊಳ್ಳ ಬೇಕು. ಬಿಸಿ ದೋಸೆ ಕಲ್ಲಿನ ಮೇಲೆ ದೋಸೆ ಹಿಟ್ಟನ್ನು ಸೌಟಿನಿಂದ ಸುರಿಯಿರಿ. 
9. ಒಂದೈದು ಸೆಕೆಂಡುಗಳ ನಂತರ ಮೇಲಿನಿಂದ ಎಣ್ಣೆ ಅಥವಾ ತುಪ್ಪ ಹಾಕಿ. ಈ ದೋಸೆಗೆ ಮುಚ್ಚಳ ಮುಚ್ಚ ಬೇಕಾಗಿಲ್ಲ. 
10. ನಂತರ ಉರಿಯನ್ನು ಕಡಿಮೆ ಮಾಡಿ, 5 - 10 ಸೆಕೆಂಡುಗಳ ಕಾಲ ಬಿಟ್ಟು, ದೋಸೆ ಸಟ್ಟುಗ ಉಪಯೋಗಿಸಿ ದೋಸೆಯನ್ನು ತೆಗೆಯಿರಿ. ದೋಸೆ ಕಲ್ಲಿನ ಮೇಲೆಯೇ ದೋಸೆಯನ್ನು ಮಡಿಸಿ. ತೆಂಗಿನ ಚಟ್ನಿ, ಸಾಂಬಾರ್ ಅಥವಾ ಸಾಗುವಿನೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Hunasekayi thokku recipe in Kannada | ಹುಣಸೆಕಾಯಿ ತೊಕ್ಕು ಮಾಡುವ ವಿಧಾನ

Hunasekayi thokku recipe in Kannada | ಹುಣಸೆಕಾಯಿ ತೊಕ್ಕು ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 250gm ಹುಣಸೆಕಾಯಿ
2. 5 - 10 ಒಣ ಮೆಣಸಿನಕಾಯಿ
3. 1 ಟೀಸ್ಪೂನ್ ಮೆಂತೆ
4. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1ಟೀಸ್ಪೂನ್ ಸಾಸಿವೆ
2. 1 ಟೀಸ್ಪೂನ್ ಇಂಗು
3. 1/4 ಟೀಸ್ಪೂನ್ ಅರಿಶಿನ ಪುಡಿ
4. 1/4 ಟೀಸ್ಪೂನ್ ಇಂಗು
5. 4 ಟೇಬಲ್ ಚಮಚ ಎಣ್ಣೆ

ಹುಣಸೆಕಾಯಿ ತೊಕ್ಕು ಮಾಡುವ ವಿಧಾನ:

1. ಹುಣಸೆಕಾಯಿಯನ್ನು ತೊಳೆದು ನೀರಾರಿಸಿ. 
2. ಪ್ರತಿ ಕಾಯಿಯನ್ನು ಮುರಿಯುತ್ತಾ ನಾರನ್ನು ತೆಗೆಯಿರಿ. 
3. ನಂತರ ಅದನ್ನು ಕುಟ್ಟಾಣಿಯಲ್ಲಿ ಜಜ್ಜಿ. ಬೀಜ ಗಟ್ಟಿ ಇದ್ದರೆ ತೆಗೆದುಹಾಕಿ.
4. ಒಂದು ಬಾಣಲೆಯಲ್ಲಿ ಮೆಂತೆಯನ್ನು ಎಣ್ಣೆ ಹಾಕದೇ ಹುರಿದು ತೆಗೆದಿಡಿ. 
5. ನಂತರ ಅದೇ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಜೀರಿಗೆ, ಇಂಗು ಮತ್ತು ಅರಿಶಿನ ಪುಡಿಯ ಒಗ್ಗರಣೆ ಮಾಡಿ. ಸ್ಟವ್ ಆಫ್ ಮಾಡಿ, ಆರಲು ಬಿಡಿ. 
6. ಈಗ ಮಿಕ್ಸಿ ಜಾರಿನಲ್ಲಿ ಹುರಿದ ಮೆಂತೆ ಮತ್ತು ಹಸಿರುಮೆಣಸಿನಕಾಯಿ (ತೊಳೆದು, ಆರಿಸಿದ್ದು) ಹಾಕಿ. ನೀರು ಸೇರಿಸದೆ ಅರೆಯಿರಿ. 
7. ನಂತ್ರ ಅದಕ್ಕೆ ಜಜ್ಜಿದ ಹುಣಸೆಕಾಯಿ ಹಾಕಿ, ನೀರು ಹಾಕದೆ ಅರೆಯಿರಿ. 
8. ಉಪ್ಪು ಸೇರಿಸಿ ಪುನಃ ಅರೆಯಿರಿ. 
9. ಬಾಣಲೆಯಲ್ಲಿನ ಒಗ್ಗರಣೆ ಬಿಸಿ ಆರಿದ ಮೇಲೆ ಅರೆದ ಮಿಶ್ರಣವನ್ನು ಹಾಕಿ. 
10. ಚೆನ್ನಾಗಿ ಮಗುಚಿ. ತಣ್ಣಗಾದ ಮೇಲೆ ಗಾಜಿನ ಬಾಟಲಿಯಲ್ಲಿ ಹಾಕಿ ಎತ್ತಿಡಿ. 
11. ಹುಣಸೆಕಾಯಿ ತೊಕ್ಕು ಸವಿಯಲು ಸಿದ್ಧ. ಹೆಚ್ಚಿನ ಪ್ರಮಾಣದಲ್ಲಿ ಮಾಡುವುದಾದಲ್ಲಿ, ಒಗ್ಗರಣೆಯನ್ನು ಬಳಸುವ ಮುನ್ನ ಸೇರಿಸಿದರೆ ಸಾಕು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Home remedy for kapha in Kannada | ಕಫಕ್ಕೆ ಮನೆಮದ್ದು ಮಾಡುವ ವಿಧಾನ

Home remedy for kapha in Kannada | ಕಫಕ್ಕೆ ವೀಳ್ಯದೆಲೆ, ತುಳಸಿ ಮತ್ತು ಜೇನಿನ ಮನೆಮದ್ದು

ವೀಳ್ಯದೆಲೆ-ತುಳಸಿ ಮನೆಮದ್ದು ವಿಡಿಯೋ

ಬೇಕಾಗುವ ಪದಾರ್ಥಗಳು (ಮಕ್ಕಳಿಗೆ): (ಅಳತೆ ಕಪ್ = 240 ಎಂಎಲ್ )

1. 1 ವೀಳ್ಯದೆಲೆ
2. 9 ದಳ ತುಳಸಿ
3. 1/2 ಚಮಚ ಜೇನುತುಪ್ಪ

ಬೇಕಾಗುವ ಪದಾರ್ಥಗಳು (ದೊಡ್ಡವರಿಗೆ): (ಅಳತೆ ಕಪ್ = 240 ಎಂಎಲ್ )

1. 2 ವೀಳ್ಯದೆಲೆ
2. 9 ದಳ ತುಳಸಿ
3. ದೊಡ್ಡ ಚಿಟಿಕೆ ಒಣ ಶುಂಠಿ ಪುಡಿ
4. 2 - 4 ಕಾಳುಮೆಣಸು
5. 1/2 ಚಮಚ ಜೇನುತುಪ್ಪ

ಮಕ್ಕಳಿಗೆ ಮನೆಮದ್ದು ತಯಾರಿಸುವ ವಿಧಾನ:

1. ವೀಳ್ಯದೆಲೆ ಮತ್ತು ತುಳಸಿಯನ್ನು ಚೆನ್ನಾಗಿ ತೊಳೆದು ಸ್ವಚ್ಛ ಮಾಡಿ. 
2. ಎಲೆಗಳನ್ನು ಚೂರುಗಳಾಗಿ ಮಾಡಿ, ಒಂದು ಸಣ್ಣ ಬಟ್ಟಲಿನಲ್ಲಿ ಅಥವಾ ಒರಳಿನಲ್ಲಿ ತೆಗೆದುಕೊಳ್ಳಿ. 
3. ನಂತರ ಚೂರುಮಾಡಿದ ಎಲೆಗಳನ್ನು ಚೆನ್ನಾಗಿ ಗುದ್ದಿ.
4. ಒಂದು ಬಟ್ಟೆಯ ಸಹಾಯದಿಂದ ಅಥವಾ ಕೈಬೆರಳುಗಳ ಸಹಾಯದಿಂದ ರಸವನ್ನು ಹಿಂಡಿ ತೆಗೆಯಿರಿ.
5. ಅದಕ್ಕೆ ಅರ್ಧ ಚಮಚ ಜೇನು ಬೆರೆಸಿ, ಮಗುವಿಗೆ ಕುಡಿಸಿ. ದಿನಕ್ಕೆ ಎರಡು ಬಾರಿ ಕುಡಿಸಿದರೆ ಸಾಕು. 

ದೊಡ್ಡವರಿಗೆ ಮನೆಮದ್ದು ತಯಾರಿಸುವ ವಿಧಾನ:

1. ವೀಳ್ಯದೆಲೆ ಮತ್ತು ತುಳಸಿಯನ್ನು ಚೆನ್ನಾಗಿ ತೊಳೆದು ಸ್ವಚ್ಛ ಮಾಡಿ. 
2. ಎಲೆಗಳೊಂದಿಗೆ ಒಣ ಶುಂಠಿ ಪುಡಿ, ಕಾಳುಮೆಣಸು ಮತ್ತು ಜೇನು ತೆಗೆದುಕೊಳ್ಳಿ. 
3. ಎಲ್ಲವನ್ನು ಒಟ್ಟು ಸೇರಿಸಿ, ಮಡಸಿ ಜಗಿದು ತಿನ್ನಿ. 
4. ದಿನಕ್ಕೆ ಎರಡರಿಂದ  ಮೂರು ಬಾರಿ ತಿನ್ನಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Mango ginger chutney recipe in Kannada | ಮಾವಿನಕಾಯಿ ಶುಂಠಿ ಚಟ್ನಿ ಮಾಡುವ ವಿಧಾನ

 

Mango ginger chutney recipe in Kannada | ಮಾವಿನಕಾಯಿ ಶುಂಠಿ ಚಟ್ನಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು (ವಿಧಾನ 1): (ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ತೆಂಗಿನ ತುರಿ 
2. ಒಂದು ಬೆರಳುದ್ದ ಮಾವಿನಕಾಯಿ ಶುಂಠಿ
3. 1 - 2 ಹಸಿರು ಮೆಣಸಿನಕಾಯಿ 
4. ಸ್ವಲ್ಪ ಹುಣಿಸೆ ಹಣ್ಣು 
5. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಟಿಸ್ಪೂನ್ ಎಣ್ಣೆ 
2. 4 ಕರಿಬೇವಿನ ಎಲೆ
3. 1/4 ಟಿಸ್ಪೂನ್ ಸಾಸಿವೆ 
4. ಒಂದು ಒಣ ಮೆಣಸು (ಬೇಕಾದಲ್ಲಿ)
5. ಒಂದು ಚಿಟಿಕೆ ಇಂಗು

ಬೇಕಾಗುವ ಪದಾರ್ಥಗಳು (ವಿಧಾನ 2): (ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ತೆಂಗಿನ ತುರಿ 
2. ಒಂದು ಬೆರಳುದ್ದ ಮಾವಿನಕಾಯಿ ಶುಂಠಿ
3. ಸ್ವಲ್ಪ ಹುಣಿಸೆ ಹಣ್ಣು 
4. ಉಪ್ಪು ರುಚಿಗೆ ತಕ್ಕಷ್ಟು

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಟಿಸ್ಪೂನ್ ಎಣ್ಣೆ 
2. 2 ಟಿಸ್ಪೂನ್ ಉದ್ದಿನಬೇಳೆ
3. 1/4 ಟಿಸ್ಪೂನ್ ಸಾಸಿವೆ 
4. ಎರಡು ಒಣ ಮೆಣಸು
5. ಒಂದು ಚಿಟಿಕೆ ಇಂಗು

ಮಾವಿನಕಾಯಿ ಶುಂಠಿ ಚಟ್ನಿ ಮಾಡುವ ವಿಧಾನ - ವಿಧಾನ ೧:

1. ಮಿಕ್ಸಿ ಜಾರಿಗೆ ತೆಂಗಿನ ತುರಿ, ಹುಣಿಸೆ ಹಣ್ಣು, ಹಸಿರುಮೆಣಸಿನ ಕಾಯಿ, ಸ್ವಚ್ಛಗೊಳಿಸಿದ ಮಾವಿನಕಾಯಿ ಶುಂಠಿ ಮತ್ತು ಉಪ್ಪು ಹಾಕಿ. 
2. ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣನೆ ಅರೆಯಿರಿ.
3. ಒಂದು ಬಟ್ಟಲಿಗೆ ತೆಗೆದು, ಸಾಸಿವೆ, ಕರಿಬೇವು, ಒಣ ಮೆಣಸು ಮತ್ತು ಇಂಗಿನ ಒಗ್ಗರಣೆ ಕೊಡಿ. ದೋಸೆ ಅಥವಾ ಇಡ್ಲಿಯೊಂದಿಗೆ ಬಡಿಸಿ.

ಮಾವಿನಕಾಯಿ ಶುಂಠಿ ಚಟ್ನಿ ಮಾಡುವ ವಿಧಾನ - ವಿಧಾನ ೨:

1. ಮಿಕ್ಸಿ ಜಾರಿಗೆ ತೆಂಗಿನ ತುರಿ, ಹುಣಿಸೆ ಹಣ್ಣು, ಸ್ವಚ್ಛಗೊಳಿಸಿದ ಮಾವಿನಕಾಯಿ ಶುಂಠಿ ಮತ್ತು ಉಪ್ಪು ಹಾಕಿ. 
2. ಅಗತ್ಯವಿದ್ದಷ್ಟು ನೀರು ಸೇರಿಸಿ ನುಣ್ಣನೆ ಅರೆಯಿರಿ.
3. ಸಾಸಿವೆ, ಉದ್ದಿನಬೇಳೆ, ಒಣ ಮೆಣಸು ಮತ್ತು ಇಂಗಿನ ಒಗ್ಗರಣೆ ಮಾಡಿ. ಚಟ್ನಿ ಇರುವ ಮಿಕ್ಸಿ ಜಾರಿಗೆ ಹಾಕಿ ಪುನಃ ಅರೆಯಿರಿ. ಒಂದು ಬಟ್ಟಲಿಗೆ ತೆಗೆಯಿರಿ. ದೋಸೆ ಅಥವಾ ಇಡ್ಲಿಯೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Nippattu recipe in Kannada | ನಿಪ್ಪಟ್ಟು ಮಾಡುವ ವಿಧಾನ

Nippattu recipe in Kannada | ನಿಪ್ಪಟ್ಟು ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಅಕ್ಕಿ ಹಿಟ್ಟು 
2. 1/4 ಕಪ್ ಹುರಿಗಡಲೆ ಅಥವಾ ಪುಟಾಣಿ
3. 1/4 ಕಪ್ ನೆಲಗಡಲೆ ಅಥವಾ ಶೇಂಗಾ
4. 1/4 ಕಪ್ ಚಿರೋಟಿ ರವೇ ಅಥವಾ ಮೈದಾ ಹಿಟ್ಟು
5. 1/4 ಕಪ್ ತೆಂಗಿನ ತುರಿ 
6. 1/2 - 1 ಟೀಸ್ಪೂನ್ ಅಚ್ಚ ಖಾರದ ಪುಡಿ
7. 1/2 ಟೀಸ್ಪೂನ್ ಓಂಕಾಳು
8. 1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
9. ಒಂದು ದೊಡ್ಡ ಚಿಟಿಕೆ ಇಂಗು
10. 2 ಎಸಳು ಕರಿಬೇವು
11. 2.5 ಟೇಬಲ್ ಚಮಚ ಬಿಸಿ ಎಣ್ಣೆ
12. ಎಣ್ಣೆ ಕೋಡುಬಳೆ ಕಾಯಿಸಲು

ನಿಪ್ಪಟ್ಟು ಮಾಡುವ ವಿಧಾನ:

1. ಅಕ್ಕಿ ಹಿಟ್ಟು ಮತ್ತು ಚಿರೋಟಿ ರವೇ (ಅಥವಾ ಮೈದಾ ಹಿಟ್ಟ) ನ್ನು ಒಂದು ಬಾಣಲೆಗೆ ಹಾಕಿ ಸ್ವಲ್ಪ ಬಿಸಿಯಾಗುವವರೆಗೆ ಹುರಿಯಿರಿ.
2. ಅದಕ್ಕೆ ಅದಕ್ಕೆ ಒಂದು ಟೇಬಲ್ ಚಮಚ ಹುರಿಗಡಲೆ ಸೇರಿಸಿ. 
3. ಉಳಿದ ಹುರಿಗಡಲೆಯನ್ನು ಮಿಕ್ಸಿ ಜಾರಿಗೆ ಹಾಕಿ ಪುಡಿ ಮಾಡಿ ಸೇರಿಸಿ. 
4. ನೆಲಗಡಲೆಯನ್ನು ಗರಿಗರಿಯಾಗುವವರೆಗೆ ಹುರಿದು, ತರಿತರಿಯಾಗಿ  ಪುಡಿಮಾಡಿ ಸೇರಿಸಿ.  
5. ನಂತರ ಅಚ್ಚಖಾರದ ಪುಡಿ, ಇಂಗು, ಓಂಕಾಳು ಮತ್ತು ಉಪ್ಪನ್ನು ಹಾಕಿ ಕಲಸಿ. 
6. ತೆಂಗಿನ ತುರಿ ಮತ್ತು ಸಣ್ಣಗೆ ಕತ್ತರಿಸಿದ ಕರಿಬೇವು ಸೇರಿಸಿ ಕಲಸಿ. 
7. ನಂತ್ರ 2 ಟೇಬಲ್ ಚಮಚ ಬಿಸಿ ಬಿಸಿ ಎಣ್ಣೆಯನ್ನು ಹಾಕಿ, ಚೆನ್ನಾಗಿ ಒತ್ತಿ ಕಲಸಿ. 
8. ಕಲಸಿದ ಹಿಟ್ಟಿಗೆ ಸ್ವಲ್ಪ ಸ್ವಲ್ಪ ನೀರನ್ನು ಹಾಕುತ್ತ ಗಟ್ಟಿಯಾದ ಹಿಟ್ಟನ್ನು ಸಿದ್ಧ ಪಡಿಸಿಕೊಳ್ಳಿ. ಹಿಟ್ಟು ಮೆತ್ತಗಿದ್ದರೆ ನಿಪ್ಪಟ್ಟು ಗರಿಗರಿಯಾಗುವುದಿಲ್ಲ.
9. ಈಗ ನೆಲ್ಲಿಕಾಯಿ ಗಾತ್ರದ ಹಿಟ್ಟು ತೆಗೆದು ಕೊಂಡು ಪ್ಲಾಸ್ಟಿಕ್ ಹಾಳೆಯ ಮೇಲೆ ತಟ್ಟಿ ನಿಪ್ಪಟ್ಟು ಮಾಡಿ. 
10. ಎಣ್ಣೆ ಬಿಸಿ ಮಾಡಿ ನಿಪ್ಪಟ್ಟನ್ನು ಸಣ್ಣ ಉರಿಯಲ್ಲಿ ಕಾಯಿಸಿ. ಸ್ವರ ಅಥವಾ ಗುಳ್ಳೆಗಳು ನಿಂತ ಮೇಲೆ ತೆಗೆಯಿರಿ. ಪ್ರತಿಸಲ ಕೋಡುಬಳೆ ಕಾಯಿಸುವ ಮೊದಲು ಎಣ್ಣೆ ಬಿಸಿ ಇರಲಿ. ನಂತರ ಸಣ್ಣ ಉರಿಯಲ್ಲಿ ಕಾಯಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Genasina palya recipe in Kannada | ಗೆಣಸಿನ ಪಲ್ಯ ಅಥವಾ ಒಗ್ಗರಣೆ ಮಾಡುವ ವಿಧಾನ

Genasina palya recipe in Kannada | ಗೆಣಸಿನ ಪಲ್ಯ ಅಥವಾ ಒಗ್ಗರಣೆ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 kg ಗೆಣಸು
2. 1/2 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಜೀರಿಗೆ
4. 1 ದೊಡ್ಡ ಚಿಟಿಕೆ ಅರಿಶಿನ ಪುಡಿ
5. 1 ದೊಡ್ಡ ಚಿಟಿಕೆ ಇಂಗು
6. 1 - 2 ಹಸಿ ಮೆಣಸಿನಕಾಯಿ
7. 4 - 5 ಕರಿಬೇವಿನ ಎಲೆ
8. 1/2 ಟೀಸ್ಪೂನ್ ಹೆಚ್ಚಿದ ಶುಂಠಿ
9. 1 ದೊಡ್ಡ ಈರುಳ್ಳಿ
10. 4 ಟೀಸ್ಪೂನ್ ಅಡುಗೆ ಎಣ್ಣೆ
11. ಉಪ್ಪು ರುಚಿಗೆ ತಕ್ಕಷ್ಟು
12. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು

ಗೆಣಸಿನ ಪಲ್ಯ ಅಥವಾ ಒಗ್ಗರಣೆ ಮಾಡುವ ವಿಧಾನ:

1. ಗೆಣಸನ್ನು ತೊಳೆದು, ಅಗತ್ಯವಿದ್ದಷ್ಟು ನೀರು ಸೇರಿಸಿ ಬೇಯಿಸಿ.
2. ಬಿಸಿ ಆರಿದ ಮೇಲೆ ಸಿಪ್ಪೆ ತೆಗೆದು ಕತ್ತರಿಸಿಟ್ಟುಕೊಳ್ಳಿ. 
3. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಜೀರಿಗೆ ಹಾಕಿ. 
4. ಸಾಸಿವೆ ಸಿಡಿದ ಕೂಡಲೇ ಅರಶಿನ ಮತ್ತು ಇಂಗು ಸೇರಿಸಿ. 
5. ಸೀಳಿದ ಹಸಿಮೆಣಸಿನಕಾಯಿ ಮತ್ತು ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ತಯಾರಿಸಿಕೊಳ್ಳಿ. 
6. ನಂತ್ರ ಸಣ್ಣಗೆ ಹೆಚ್ಚಿದ ಈರುಳ್ಳಿ ಹಾಕಿ ಚೆನ್ನಾಗಿ ಬಾಡಿಸಿ. 
7. ಅದಕ್ಕೆ ಬೇಯಿಸಿ ಕತ್ತರಿಸಿದ ಗೆಣಸು ಹಾಕಿ. 
8. ಪುಡಿ ಉಪ್ಪು ನಿಮ್ಮ ರುಚಿಗೆ ತಕ್ಕಂತೆ ಸೇರಿಸಿ. ಚೆನ್ನಾಗಿ ಮಗುಚಿ. 
9. ಕೊತ್ತಂಬರಿ ಸೊಪ್ಪನ್ನು ಉದುರಿಸಿ ಒಮ್ಮೆ ಮಗುಚಿ.  ಸ್ಟೋವ್ ಆಫ್ ಮಾಡಿ. ಚಪಾತಿ ಅಥವಾ ಬಿಸಿ ಅನ್ನದೊಂದಿಗೆ ಬಡಿಸಿ. ಉಪ್ಪು ಕಡಿಮೆ ಹಾಕಿದಲ್ಲಿ ಹಾಗೇ ತಿನ್ನಬಹುದು. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Hasi batani parota recipe in Kannada | ಹಸಿ ಬಟಾಣಿ ಪರೋಟ ಮಾಡುವ ವಿಧಾನ

Hasi batani parota recipe in Kannada | ಹಸಿ ಬಟಾಣಿ ಪರೋಟ ಮಾಡುವ ವಿಧಾನ 

ಹಸಿ ಬಟಾಣಿ ಪರೋಟ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. ಗೋಧಿ ಹಿಟ್ಟು (8 ದೊಡ್ಡ ಚಪಾತಿಗಾಗುವಷ್ಟು)
2. 2 ಕಪ್ ಹಸಿ ಬಟಾಣಿ 
3. 4 ಎಸಳು ಬೆಳ್ಳುಳ್ಳಿ 
4. 1 cm ಉದ್ದದ ಶುಂಠಿ
5. 2 - 3 ಹಸಿರುಮೆಣಸಿನಕಾಯಿ 
6. 2 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
7. 1 ಟೀಸ್ಪೂನ್ ಜೀರಿಗೆ
8. 1/4 ಟೀಸ್ಪೂನ್ ಗರಂ ಮಸಾಲಾ 
9. ಚಿಟಿಕೆ ಅರಶಿನ ಪುಡಿ 
10. 12 ಟೀಸ್ಪೂನ್ ಅಡುಗೆ ಎಣ್ಣೆ
11. ಉಪ್ಪು ರುಚಿಗೆ ತಕ್ಕಷ್ಟು

ಹಸಿ ಬಟಾಣಿ ಪರೋಟ ಮಾಡುವ ವಿಧಾನ:

1. ಮೃದುವಾದ ಚಪಾತಿ ಹಿಟ್ಟು ಕಲಸಿ ಮುಚ್ಚಿಡಿ. 
2. ಹಸಿಬಟಾಣಿಯನ್ನು ನೀರು ಹಾಕದೆ ಆವಿಯಲ್ಲಿ ಬೇಯಿಸಿ. ನೀರು ಹಾಕಿ ಬೇಯಿಸಿದಲ್ಲಿ ಸಂಪೂರ್ಣವಾಗಿ ನೀರನ್ನು ಬಸಿಯಿರಿ.  
3. ಒಂದು ಮಿಕ್ಸಿ ಜಾರಿನಲ್ಲಿ ಬೆಳ್ಳುಳ್ಳಿ, ಶುಂಠಿ, ಹಸಿರುಮೆಣಸಿನಕಾಯಿ ಮತ್ತು ಕೊತ್ತಂಬರಿ ಸೊಪ್ಪು ತೆಗೆದುಕೊಂಡು ಅರೆಯಿರಿ. 
4. ಅದಕ್ಕೆ ಬೇಯಿಸಿದ ಬಟಾಣಿ ಹಾಕಿ ತರಿತರಿಯಾಗಿ ಅರೆಯಿರಿ. 
5. ಒಂದು ಬಾಣಲೆಗೆ 1 ಟೀಸ್ಪೂನ್ ಎಣ್ಣೆ ಹಾಕಿ ಬಿಸಿ ಮಾಡಿ. 
6. ಕಾದ ಎಣ್ಣೆಗೆ ಜೀರಿಗೆ ಹಾಕಿ. 
7. ಜೀರಿಗೆ ಸಿಡಿದ ಕೂಡಲೇ ಅರೆದಿಟ್ಟ ಮಿಶ್ರಣ ಹಾಕಿ ಕೈಯಾಡಿಸಿ. 
8. ನಂತರ ಅದಕ್ಕೆ ಉಪ್ಪು, ಗರಂ ಮಸಾಲಾ ಮತ್ತು ಅರಿಶಿನ ಹಾಕಿ ಕಲಸಿ. ಹೆಚ್ಚಿನ ನೀರಿನಂಶ ಆರಿದ ಮೇಲೆ ಸ್ಟವ್ ಆಫ್ ಮಾಡಿ. 
9. ಬಿಸಿ ಆರಿದ ಮೇಲೆ ನಿಂಬೆಗಾತ್ರದ ಉಂಡೆಗಳನ್ನು ಮಾಡಿ. 
10. ನಂತರ ಕಲಸಿಟ್ಟ ಚಪಾತಿ ಹಿಟ್ಟಿನಿಂದ ನಿಂಬೆ ಗಾತ್ರದ ಹಿಟ್ಟನ್ನು ತೆಗೆದುಕೊಂಡು, ಅದರೊಳಗೆ ಬಟಾಣಿಯ ಉಂಡೆಗಳನ್ನು ಸೇರಿಸಿ. 
11. ಗೋಧಿ ಹಿಟ್ಟು ಮುಟ್ಟಿಸಿಕೊಂಡು ಚಪಾತಿಯಂತೆ ವೃತ್ತಾಕಾರವಾಗಿ ಲಟ್ಟಿಸಿ.
12. ಒಂದು ಹೆಂಚು ಅಥವಾ ತವಾ ತೆಗೆದುಕೊಂಡು ಬಿಸಿ ಮಾಡಿ. ಲಟ್ಟಿಸಿದ ಪರೋಟವನ್ನು ತವಾ ಮೇಲೆ ಹಾಕಿ ಎರಡು ಬದಿ ಖಾಯಿಸಿ. 
13. ಖಾಯಿಸಿದ ಮೇಲೆ ಎರಡೂ ಬದಿಯೂ ಸ್ವಲ್ಪ ತುಪ್ಪ ಹಚ್ಚಿ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Basale soppu thambli in kannada | ಬಸಳೆ ಸೊಪ್ಪು ತಂಬುಳಿ ಮಾಡುವ ವಿಧಾನ

Basale soppu thambli in kannada | ಬಸಳೆ ಸೊಪ್ಪು ತಂಬುಳಿ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ದೊಡ್ಡ ಹಿಡಿ ಬಸಳೆಸೊಪ್ಪು
2. 1/2 ಟೀಸ್ಪೂನ್ ಜೀರಿಗೆ
3. 1/2 ಟೀಸ್ಪೂನ್ ಕಾಳುಮೆಣಸು
4. 1/4 ಕಪ್ ತೆಂಗಿನತುರಿ
5. 1/2 ಕಪ್ ಮೊಸರು
6. 1 ಒಣ ಮೆಣಸಿನಕಾಯಿ
7. 2 ಟೀಸ್ಪೂನ್ ತುಪ್ಪ ಅಥವಾ ಅಡುಗೆ ಎಣ್ಣೆ
8. 1/4 ಟೀಸ್ಪೂನ್ ಸಾಸಿವೆ
9. ಉಪ್ಪು ರುಚಿಗೆ ತಕ್ಕಷ್ಟು.

ಬಸಳೆ ಸೊಪ್ಪು ತಂಬುಳಿ ಮಾಡುವ ವಿಧಾನ:

1. ಬಸಳೆ ಸೊಪ್ಪನ್ನು ಆಯ್ದು, ತೊಳೆದು ಕತ್ತರಿಸಿ.
2. ಒಂದು ಬಾಣಲೆಯಲ್ಲಿ ಒಂದು ಚಮಚ ಎಣ್ಣೆ ಅಥವಾ ತುಪ್ಪ ಹಾಕಿ ಜೀರಿಗೆ ಮತ್ತು ಕಾಳುಮೆಣಸನ್ನು ಹುರಿಯಿರಿ. 
3. ಜೀರಿಗೆ ಸಿಡಿದ ಕೂಡಲೇ ಕತ್ತರಿಸಿದ ಬಸಳೆ ಸೊಪ್ಪನ್ನು ಹಾಕಿ.
4. ಬಾಡಿದ ಕೂಡಲೇ ಸ್ಟೋವ್ ಆಫ್ ಮಾಡಿ.
5. ಹುರಿದ ಪದಾರ್ಥಗಳು ಮತ್ತು ತೆಂಗಿನ ತುರಿಯನ್ನು ಮಿಕ್ಸಿ ಜಾರಿಗೆ ಹಾಕಿ.  
6. ಅಗತ್ಯವಿದ್ಧಷ್ಟು ನೀರು ಸೇರಿಸಿ ನುಣ್ಣಗೆ ಅರೆಯಿರಿ. 
7. ಅರೆದ ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ. ಉಪ್ಪು, ಮೊಸರು ಮತ್ತು ಬೇಕಾದಷ್ಟು ನೀರು ಹಾಕಿ. 
8. ಎಣ್ಣೆ, ಒಣಮೆಣಸು ಮತ್ತು ಸಾಸಿವೆ ಒಗ್ಗರಣೆ ಕೊಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Suvarna gadde sambar recipe in Kannada | ಸುವರ್ಣ ಗಡ್ಡೆ ಸಾಂಬಾರ್ ಮಾಡುವ ವಿಧಾನ

Suvarna gadde sambar recipe in Kannada | ಸುವರ್ಣ ಗಡ್ಡೆ ಸಾಂಬಾರ್ ಮಾಡುವ ವಿಧಾನ

ಸುವರ್ಣ ಗಡ್ಡೆ ಸಾಂಬಾರ್ ವಿಡಿಯೋ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1/2 kg ಸುವರ್ಣ ಗಡ್ಡೆ
2. 4 ಟೇಬಲ್ ಚಮಚ ತೊಗರಿಬೇಳೆ
3. 1/4 ಟೀಸ್ಪೂನ್ ಅರಿಶಿನ ಪುಡಿ
4. 2 ಟೀಸ್ಪೂನ್ ಕಲ್ಲುಪ್ಪು (ಅಥವಾ ನಿಮ್ಮ ರುಚಿ ಪ್ರಕಾರ)
5. 1 ಟೀಸ್ಪೂನ್ ಬೆಲ್ಲ (ಬೇಕಾದಲ್ಲಿ, ಹಾಕಿದರೆ ಒಳ್ಳೆಯದು)
6. ಗೋಲಿ ಗಾತ್ರದ ಹುಣಿಸೇಹಣ್ಣು

ಮಸಾಲೆಗೆ ಬೇಕಾಗುವ ಪದಾರ್ಥಗಳು:

1. 1/ ಕಪ್ ತೆಂಗಿನ ತುರಿ
2. 2 - 4 ಕೆಂಪು ಮೆಣಸಿನಕಾಯಿ
3. 1.5 ಟೀಸ್ಪೂನ್ ಉದ್ದಿನ ಬೇಳೆ
4. 2 ಟೀಸ್ಪೂನ್ ಕೊತ್ತಂಬರಿ ಬೀಜ
5. 1/4 ಟೀಸ್ಪೂನ್ ಜೀರಿಗೆ
6. 7 - 8 ಮೆಂತ್ಯ ಕಾಳು (ಬೇಕಾದಲ್ಲಿ)
7. ಒಂದು ಚಿಟಿಕೆ ಇಂಗು
8. 1 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಕೆಂಪು ಮೆಣಸಿನಕಾಯಿ
2. 5 - 6 ಕರಿಬೇವು
3. 1/4 ಟೀಸ್ಪೂನ್ ಸಾಸಿವೆ
4. 1 ಟೀಸ್ಪೂನ್ ಅಡುಗೆ ಎಣ್ಣೆ

ಸುವರ್ಣ ಗಡ್ಡೆ ಸಾಂಬಾರ್ ಮಾಡುವ ವಿಧಾನ:

1. ಸುವರ್ಣ ಗಡ್ಡೆಯನ್ನು ತೊಳೆದು, ಸಿಪ್ಪೆ ತೆಗೆದು ಕತ್ತರಿಸಿ.
2. ಬೇಳೆಯನ್ನು ಒಂದು ಕುಕ್ಕರ್ ನಲ್ಲಿ ತೆಗೆದುಕೊಂಡು ತೊಳೆಯಿರಿ. 1/2 ಕಪ್ ನೀರು, ಚಿಟಿಕೆ ಅರಶಿನ ಪುಡಿ ಮತ್ತು ಒಂದೆರಡು ಹನಿ ಎಣ್ಣೆ ಹಾಕಿ. ಬೇಳೆಯನ್ನು ಬೇಯಿಸಿ.
3. ಈಗ ಅದೇ ಕುಕ್ಕರ್ ಗೆ ಕತ್ತರಿಸಿದ ಸುವರ್ಣ ಗಡ್ಡೆ, ಸ್ವಲ್ಪ ಉಪ್ಪು, ಬೆಲ್ಲ ಮತ್ತು ಹುಣಿಸೆ ರಸ ಹಾಕಿ. 1 ಲೋಟ ನೀರು ಹಾಕಿ ಒಂದು ವಿಷಲ್ ಮಾಡಿ. ಸುವರ್ಣ ಗಡ್ಡೆ ಬೇಗ ಬೇಯುವುದರಿಂದ ವಿಷಲ್ ಮಾಡದೇ ಹಾಗೇ ಸಹ ಬೇಯಿಸಬಹುದು. 
4. ಈಗ ಒಂದು ಬಾಣಲೆ ತೆಗೆದು ಕೊಂಡು, ಕೆಂಪು ಮೆಣಸಿನಕಾಯಿ, ಉದ್ದಿನಬೇಳೆ, ಕೊತ್ತಂಬರಿ ಬೀಜ, ಜೀರಿಗೆ, ಮೆಂತೆ ಮತ್ತು ಇಂಗನ್ನು ಮಧ್ಯಮ ಉರಿಯಲ್ಲಿ 1 ಟೀಸ್ಪೂನ್ ಎಣ್ಣೆ ಹಾಕಿ ಹುರಿಯಿರಿ.
5. ಹುರಿದ ಮಸಾಲೆ ಮತ್ತು ತೆಂಗಿನತುರಿಯನ್ನು ನೀರು ಸೇರಿಸಿ ಅರೆಯಿರಿ. 
6. ಅರೆದ ಮಸಾಲೆಯನ್ನು ತರಕಾರಿ ಮತ್ತು ಬೇಳೆ ಇರುವ ಕುಕ್ಕರ್ ಗೆ ಹಾಕಿ. ನಿಮ್ಮ ರುಚಿ ಪ್ರಕಾರ ಉಪ್ಪು, ಸಿಹಿ ಮತ್ತು ಹುಳಿಯನ್ನು ಸರಿಮಾಡಿಕೊಳ್ಳಿ. 
7. ಕೊನೆಯಲ್ಲಿ ಬೇಕಾದಷ್ಟು ನೀರು ಸೇರಿಸಿ, ಮಗುಚಿ, ಒಂದು ಕುದಿ ಕುದಿಸಿ.
8. ಕೆಂಪು ಮೆಣಸು, ಸಾಸಿವೆ, ಕರಿಬೇವಿನ ಒಗ್ಗರಣೆ ಕೊಡಿ. ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Instant uppittu mix recipe in Kannada | ದಿಢೀರ್ ಉಪ್ಪಿಟ್ಟು ಮಿಕ್ಸ್ ಮಾಡುವ ವಿಧಾನ

Instant uppittu mix recipe in Kannada | ದಿಢೀರ್ ಉಪ್ಪಿಟ್ಟು ಮಿಕ್ಸ್ ಮಾಡುವ ವಿಧಾನ 

ಮಿಕ್ಸ್ ತಯಾರಿಸಲು ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 1/2 ಕಪ್ ರವೆ
2. 1/4 ಟೀಸ್ಪೂನ್ ಸಾಸಿವೆ
3. 1/2 ಟೀಸ್ಪೂನ್ ಉದ್ದಿನಬೇಳೆ
4. 1/2 ಟೀಸ್ಪೂನ್ ಕಡ್ಲೆಬೇಳೆ (ಬೇಕಾದಲ್ಲಿ)
5. ದೊಡ್ಡ ಚಿಟಿಕೆ ಇಂಗು
6. 1-2 ಹಸಿರು ಮೆಣಸಿನಕಾಯಿ
7. 5-6 ಕರಿ ಬೇವಿನ ಎಲೆ
8. 1 ಟೀಸ್ಪೂನ್ ಸಣ್ಣಗೆ ಹೆಚ್ಚಿದ ಶುಂಠಿ
9. ದೊಡ್ಡ ಚಿಟಿಕೆ ಅರಶಿನ ಪುಡಿ
10. 2 ಟೇಬಲ್ ಸ್ಪೂನ್ ಅಡುಗೆ ಎಣ್ಣೆ
11. 1/2 ಟೀಸ್ಪೂನ್ ಸಕ್ಕರೆ (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)
12. 1/2 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಷ್ಟು)

ಉಪ್ಪಿಟ್ಟು ಮಾಡಲು ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 1.25 ಕಪ್ ನೀರು
2. 1 ಟೇಬಲ್ ಸ್ಪೂನ್ ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು
3. 2 ಟೇಬಲ್ ಸ್ಪೂನ್ ತೆಂಗಿನತುರಿ

ದಿಢೀರ್ ಉಪ್ಪಿಟ್ಟು ಮಿಕ್ಸ್ ಮಾಡುವ ವಿಧಾನ:

1. ಮೊದಲಿಗೆ ರವೆಯನ್ನು ಹುರಿದಿಟ್ಟುಕೊಳ್ಳಿ. 
2. ಆಮೇಲೆ ಒಂದು ಬಾಣಲೆ ಬಿಸಿಮಾಡಿ, ಎಣ್ಣೆ, ಸಾಸಿವೆ, ಉದ್ದಿನಬೇಳೆ ಮತ್ತು ಕಡ್ಲೆಬೇಳೆ ಹಾಕಿ ಒಗ್ಗರಣೆ ತಯಾರಿಸಿ
3. ಸಾಸಿವೆ ಸಿಡಿದ ಕೂಡಲೇ ಗೋಡಂಬಿ, ಇಂಗು ಮತ್ತು ಅರಿಶಿನ ಪುಡಿ ಸೇರಿಸಿ. 
4. ನಂತರ ಕರಿಬೇವು, ಕತ್ತರಿಸಿದ ಶುಂಠಿ ಮತ್ತು ಹಸಿರು ಮೆಣಸಿನಕಾಯಿ ಸೇರಿಸಿ ಕೈಯಾಡಿಸಿ. 
5. ಹುರಿದಿಟ್ಟ ರವೆ ಸೇರಿಸಿ ಮಧ್ಯಮ ಉರಿಯಲ್ಲಿ ಒಂದೆರಡು ನಿಮಿಷಗಳ ಕಾಲ ಹುರಿಯಿರಿ.
6. ಉಪ್ಪು ,ಮತ್ತು ಸಕ್ಕರೆ ಸೇರಿಸಿ ಮಗುಚಿ. ಸ್ಟವ್ ಆಫ್ ಮಾಡಿ. ಬಿಸಿ ಆರಿದ ಮೇಲೆ ಎತ್ತಿಡಿ. 
7. ನಂತರ ಉಪ್ಪಿಟ್ಟು ಮಾಡಲು ಒಂದು ಬಾಣಲೆಯಲ್ಲಿ ನೀರನ್ನು ಕುದಿಯಲು ಇಡಿ. 
8. ನೀರು ಕುದಿಯಲಾರಂಭಿಸಿದಾಗ ಅದಕ್ಕೆ ಉಪ್ಪಿಟ್ಟು ಮಿಕ್ಸ್ ಹಾಕಿ ಸ್ವಲ್ಪ ಗಟ್ಟಿಯಾಗುವವರೆಗೆ ಮಗುಚಿ. 
9. ತೆಂಗಿನತುರಿ ಮತ್ತು ಕೊತ್ತಂಬರಿ ಸೊಪ್ಪು ಸೇರಿಸಿ ಮಗುಚಿ. ಸ್ಟೋವ್ ಆಫ್ ಮಾಡಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Masala puri recipe in Kannada | ಮಸಾಲೆ ಪುರಿ ಮಾಡುವ ವಿಧಾನ

Masala puri recipe in Kannada |  ಮಸಾಲೆ ಪುರಿ ಮಾಡುವ ವಿಧಾನ

ಮಸಾಲೆ ಪುರಿ ವಿಡಿಯೋ

ಪ್ರಮಾಣ: 4 ಪ್ಲೇಟ್ ಗಾಗುವಷ್ಟು

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 20 - 25 ಪೂರಿ ಅಥವಾ ಪಾಪಡಿ (ಚಾಟ್ಗಳಿಗಾಗಿ ಬಳಸಲಾಗುತ್ತದೆ)
2. 2 ಸಣ್ಣದಾಗಿ ಹೆಚ್ಚಿದ ಈರುಳ್ಳಿ 
3. 2 ಸಣ್ಣದಾಗಿ ಹೆಚ್ಚಿದ ಟೊಮೆಟೊ 
4. 4 ಟೇಬಲ್ ಚಮಚ ಸಣ್ಣದಾಗಿ ಹೆಚ್ಚಿದ ಕೊತ್ತಂಬರಿ ಸೊಪ್ಪು 
5. 4 ಟೇಬಲ್ ಚಮಚ ಸೇವ್

ಗ್ರೇವಿಗೆ ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 1/2 ಕಪ್ ಒಣ ಬಟಾಣಿ 
2. 1/2 ಆಲೂಗಡ್ಡೆ 
3. 1/2 ಕ್ಯಾರೆಟ್ (ಬೇಕಾದಲ್ಲಿ) 
4. 1 - 2 ಹಸಿರು ಮೆಣಸು 
5. 2 ಟೇಬಲ್ ಚಮಚ ಕತ್ತರಿಸಿದ ಕೊತ್ತಂಬರಿ ಸೊಪ್ಪು
6. 1 ಟೇಬಲ್ ಚಮಚ ಕತ್ತರಿಸಿದ ಪುದಿನ 
7. 1 ಕತ್ತರಿಸಿದ  ಈರುಳ್ಳಿ  
8. 4 - 5 ಎಸಳು ಬೆಳ್ಳುಳ್ಳಿ 
9. 1 cm ಉದ್ದದ ಶುಂಠಿ 
10. 1 ಕತ್ತರಿಸಿದ ಟೊಮೆಟೊ 
11. 1/2 ಟೀಸ್ಪೂನ್ ಅಚ್ಚಖಾರದ ಪುಡಿ (ನಿಮ್ಮ ರುಚಿಗೆ ತಕ್ಕಂತೆ ಹೊಂದಿಸಿ) 
12. 1 ಟೀಸ್ಪೂನ್ ಪಾವ್ ಬಾಜಿ ಪುಡಿ 
13. 1/2 ಟೀಸ್ಪೂನ್ ಗರಂ ಮಸಾಲಾ ಪುಡಿ 
14. 1/2 ಚಮಚ ಚಾಟ್ ಮಸಾಲಾ 
15. ಒಂದು ದೊಡ್ಡ ಚಿಟಿಕೆ ಅರಿಶಿನ ಪುಡಿ 
16. ನಿಮ್ಮ ರುಚಿಗೆ ತಕ್ಕಂತೆ ಉಪ್ಪು

ಮಸಾಲೆ ಪುರಿ ಮಾಡುವ ವಿಧಾನ:

1. ಮೊದಲಿಗೆ ಗ್ರೇವಿ ತಯಾರಿಸೋಣ. ಬಟಾಣಿಯನ್ನು ರಾತ್ರೆಯಿಡಿ ನೆನೆಸಿಡಿ. 
2. ನೆನೆಸಿದ ಬಟಾಣಿ, ಆಲೂಗಡ್ಡೆ ಮತ್ತು ಕ್ಯಾರಟ್ ನ್ನು ಕುಕ್ಕರ್ ನಲ್ಲಿ ಬೇಯಿಸಿಕೊಳ್ಳಿ. 
3. ಒಂದು ಬಾಣಲೆಯಲ್ಲಿ ಹೆಚ್ಚಿದ ಈರುಳ್ಳಿ, ಶುಂಠಿ ಮತ್ತು ಬೆಳ್ಳುಳ್ಳಿಯನ್ನು ತೆಗೆದು ಕೊಂಡು ಮಧ್ಯಮ ಉರಿಯಲ್ಲಿ ಹುರಿಯಿರಿ. 
4. ಈರುಳ್ಳಿ ಮೆತ್ತಗಾದ ಮೇಲೆ ಹಸಿರು ಮೆಣಸು, ಕೊತ್ತಂಬರಿ ಸೊಪ್ಪು ಮತ್ತು ಪುದಿನ ಹಾಕಿ ಹುರಿಯಿರಿ.
5. ಕೊನೆಯಲ್ಲಿ ಟೊಮೇಟೊ ಹಾಕಿ ಹುರಿಯಿರಿ.  ಸ್ಟವ್ ಆಫ್ ಮಾಡಿ. 
6. ಬಟಾಣಿ, ಆಲೂಗಡ್ಡೆ ಮತ್ತು ಕ್ಯಾರಟ್ ಬೆಂದ ನಂತ್ರ... ಬೇಯಿಸಿದ ಆಲೂಗಡ್ಡೆ, ಕ್ಯಾರಟ್ ಮತ್ತು ಎರಡು ಸೌಟಿನಷ್ಟು ಬಟಾಣಿಯನ್ನು ಹುರಿದ ಪದಾರ್ಥಗಳೊಂದಿಗೆ ಸೇರಿಸಿ ನುಣ್ಣನೆ ಅರೆಯಿರಿ. 
7. ಅರೆದ ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ ಮಸಾಲೆ ಪುಡಿಗಳನ್ನು ಸೇರಿಸಿ (ಅಚ್ಚಖಾರದ ಪುಡಿ, ಪಾವ್ ಬಾಜಿ ಪುಡಿ, ಗರಂ ಮಸಾಲಾ ಪುಡಿ, ಚಾಟ್ ಮಸಾಲಾ,  ಅರಿಶಿನ ಪುಡಿ). ಉಪ್ಪನ್ನೂ ಸೇರಿಸಿ. 
8. ಉಳಿದ ಬೇಯಿಸಿದ ಬಟಾಣಿಯನ್ನೂ ಬೇಯಿಸಿದ ನೀರಿನೊಂದಿಗೆ ಸೇರಿಸಿ. 
9. ಅಗತ್ಯವಿದ್ದಷ್ಟು ನೀರು ಸೇರಿಸಿ ಕುದಿಸಿ. ಗ್ರೇವಿ ತಯಾರಾಯಿತು. 
10. ಸರ್ವಿಂಗ್ ಪ್ಲೇಟ್ ನಲ್ಲಿ ಪೂರಿಗಳನ್ನ ತೆಗೆದುಕೊಂಡು ಪುಡಿಮಾಡಿ. 
11. ಮೇಲಿನಿಂದ 4 ಸೌಟಿನಷ್ಟು ತಯಾರಿಸಿದ ಗ್ರೇವಿಯನ್ನು ಹಾಕಿ. 
12. ನಂತರ ಸಣ್ಣದಾಗಿ ಹೆಚ್ಚಿದ ಈರುಳ್ಳಿ, ಟೊಮೆಟೊ, ಕೊತ್ತಂಬರಿ ಸೊಪ್ಪು ಮತ್ತು ಸೇವ್ ನಿಂದ ಅಲಂಕರಿಸಿ. ಕೂಡಲೇ ಬಡಿಸಿ. ಸವಿದು ಆನಂದಿಸಿ. 

To see step by step pictures and to read more click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಮತ್ತು ಹೆಚ್ಚಿನ ವಿವರಣೆಗೆ ಇಲ್ಲಿ ಕ್ಲಿಕ್ಕಿಸಿ)

Gatti avalakki oggarane recipe in Kannada | ಗಟ್ಟಿ ಅವಲಕ್ಕಿ ಒಗ್ಗರಣೆ ಮಾಡುವ ವಿಧಾನ

Gatti avalakki oggarane recipe in Kannada | ಗಟ್ಟಿ ಅವಲಕ್ಕಿ ಒಗ್ಗರಣೆ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ಗಟ್ಟಿ ಅವಲಕ್ಕಿ
2. 1/4 ಕಪ್ ತೆಂಗಿನ ತುರಿ
3. 1 ಟೀಸ್ಪೂನ್  ಸಕ್ಕರೆ
4. 1/4 ಟೀಸ್ಪೂನ್ ಅರಿಶಿನ
5. ಉಪ್ಪು ರುಚಿಗೆ ತಕ್ಕಷ್ಟು.

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 2 ಟೇಬಲ್ ಚಮಚ ಕಡಲೇಕಾಯಿ ಅಥವಾ ಶೇಂಗಾ
4. 1 ಟೀಸ್ಪೂನ್ ಉದ್ದಿನ ಬೇಳೆ
5. 1 ಟೀಸ್ಪೂನ್ ಕಡಲೆಬೇಳೆ
6. 7 - 8 ಗೋಡಂಬಿ (ಬೇಕಾದಲ್ಲಿ)
7. 4 - 6 ಕರಿಬೇವಿನ ಎಲೆ
8. 2 ಟೇಬಲ್ ಚಮಚ ಅಡುಗೆ ಎಣ್ಣೆ

ಗಟ್ಟಿ ಅವಲಕ್ಕಿ ಒಗ್ಗರಣೆ ಮಾಡುವ ವಿಧಾನ:

1. ದಪ್ಪ ಅಥವಾ ಗಟ್ಟಿ ಅವಲಕ್ಕಿಯನ್ನು ಮಿಕ್ಸಿ ಜಾರಿನಲ್ಲಿ ದೊಡ್ಡದಾಗಿ ಪುಡಿ ಮಾಡಿ. 
2. ಪುಡಿ ಮಡಿದ ಅವಲಕ್ಕಿಯನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಳ್ಳಿ.  ನೀರು ಹಾಕಿ ತೊಳೆದು, ಬಸಿದಿಡಿ. 
3. ಒಂದು ಬಾಣಲೆಯಲ್ಲಿ ಎಣ್ಣೆ, ಕೆಂಪು ಮೆಣಸಿನಕಾಯಿ, ಸಾಸಿವೆ , ಉದ್ದಿನ ಬೇಳೆ, ಕಡಲೆಬೇಳೆ, ಗೋಡಂಬಿ ಮತ್ತು ಕಡಲೆಕಾಯಿ (ಶೇಂಗಾ) ಬಳಸಿಕೊಂಡು ಒಗ್ಗರಣೆ ಮಾಡಿ. 
4. ನಂತರ ಕರಿಬೇವು ಸೇರಿಸಿ.
5. ಪುಡಿಮಾಡಿ ತೊಳೆದಿಟ್ಟ ಅವಲಕ್ಕಿ ಮಿಶ್ರಣವನ್ನು ಹಾಕಿ, ಚೆನ್ನಾಗಿ ಕಲಸಿ. 
6. ಒಂದೆರಡು ನಿಮಿಷ ಕಡಿಮೆ ಜ್ವಾಲೆಯಲ್ಲಿ ಬೇಯಿಸಿ. ತುಂಬ ಪುಡಿ ಪುಡಿ ಅಥವಾ ಒಣ ಒಣ ಎನಿಸಿದರೆ ಸ್ವಲ್ಪ ನೀರು ಚಿಮುಕಿಸಿ. 
7. ಸಕ್ಕರೆ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಮಗುಚಿ. 
8. ಕೊನೆಯಲ್ಲಿ ತೆಂಗಿನ ತುರಿ ಸೇರಿಸಿ ಕಲಸಿ. ಸರಳ ಮತ್ತು ರುಚಿಕರ ಅವಲಕ್ಕಿಯನ್ನು ತಿಂದು ಆನಂದಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Easy siridhanya recipes in Kannada | ಸಿರಿಧಾನ್ಯದ ಅಡಿಗೆ ಮಾಡುವ ವಿಧಾನ

Easy siridhanya recipes in Kannada | ಸಿರಿಧಾನ್ಯದ ಸರಳ ಅಡಿಗೆ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್)

1. 1/2 ಕಪ್ ಸಿರಿಧಾನ್ಯ

1. 1 ಕಪ್ ಮೊಸರು
2. 1/4 ಚಮಚ ಸಾಸಿವೆ 
3. 1/2 ಟೀಸ್ಪೂನ್ ಉದ್ದಿನ ಬೇಳೆ 
4. 2 ಕರಿಬೇವಿನ ಎಲೆ 
5. 1 ಹಸಿರು ಮೆಣಸಿನಕಾಯಿ ಅಥವಾ ಮಜ್ಜಿಗೆ ಮೆಣಸು
6. ಸ್ವಲ್ಪ ಶುಂಠಿ ಸಣ್ಣಗೆ ಕತ್ತರಿಸಿದ್ದು
7. ಒಂದು ಚಿಟಿಕೆ ಇಂಗು
8. 2 ಟೀ ಚಮಚ ಅಡುಗೆ ಎಣ್ಣೆ 
9. ಉಪ್ಪು ರುಚಿಗೆ ತಕ್ಕಷ್ಟು

1. 1/2 ಕಪ್ ಹಾಲು
2. ಸಕ್ಕರೆ ರುಚಿಗೆ ತಕ್ಕಷ್ಟು
3. 2 ಟೀ ಚಮಚ ತುಪ್ಪ
4. 1 ಟೇಬಲ್ ಚಮಚ ಒಣದ್ರಾಕ್ಷಿ

1. 1 ಕಪ್ ಬಿಸಿ ನೀರು
2. 1 ಟೀ ಚಮಚ ತುಪ್ಪ
3. ಉಪ್ಪು ರುಚಿಗೆ ತಕ್ಕಷ್ಟು
4. ಉಪ್ಪಿನಕಾಯಿ

ಸಿರಿಧಾನ್ಯದ ಸರಳ ಅಡಿಗೆ ಮಾಡುವ ವಿಧಾನ:

1. ಮೊದಲಿಗೆ ಯಾವುದೇ ಸಿರಿಧಾನ್ಯವನ್ನು ಮೆತ್ತಗೆ ಬೇಯಿಸಿಟ್ಟು ಕೊಳ್ಳಿ. ನಾನು 1/2 ಕಪ್ ಸಿರಿಧಾನ್ಯಕ್ಕೆ 1.5 ಕಪ್ ನೀರು ಬಳಸಿದ್ದೇನೆ. 
2. ಮೊದಲನೇ ಬಟ್ಟಲಿನಲ್ಲಿ 1/3 ಭಾಗದಷ್ಟು ಬೇಯಿಸಿದ ಸಿರಿಧಾನ್ಯ ತೆಗೆದುಕೊಂಡು, ಅದಕ್ಕೆ ಮೊಸರು ಮತ್ತು ಉಪ್ಪು ಹಾಕಿ ಕಲಸಿ. 
3. ಎಣ್ಣೆ, ಸಾಸಿವೆ, ಉದ್ದಿನ ಬೇಳೆ, ಕರಿಬೇವು, ಮೆಣಸಿನಕಾಯಿ, ಸಣ್ಣಗೆ ಕತ್ತರಿಸಿದ ಶುಂಠಿ ಮತ್ತು ಇಂಗಿನ ಒಗ್ಗರಣೆ ಕೊಡಿ.  
4. ಎರಡನೇ ಬಟ್ಟಲಿನಲ್ಲಿ 1/3 ಭಾಗದಷ್ಟು ಬೇಯಿಸಿದ ಸಿರಿಧಾನ್ಯ ತೆಗೆದುಕೊಂಡು, ಅದಕ್ಕೆ ಹಾಲು ಮತ್ತು ಸಕ್ಕರೆ ಹಾಕಿ ಕಲಸಿ. 
5. ತುಪ್ಪದಲ್ಲಿ ಒಣದ್ರಾಕ್ಷಿ ಹುರಿದು ಸೇರಿಸಿ. 
6. ಉಳಿದ ಸಿರಿಧಾನ್ಯವನ್ನು ಮೂರನೇ ಬಟ್ಟಲಿನಲ್ಲಿ ತೆಗೆದುಕೊಳ್ಳಿ. ಬಿಸಿನೀರು, ಉಪ್ಪು ಮತ್ತು ತುಪ್ಪ ಹಾಕಿ ಕಲಸಿ. ಉಪ್ಪಿನಕಾಯಿಯೊಂದಿಗೆ ಸವಿಯಿರಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Ananas kesari bath recipe in Kannada | ಅನಾನಸ್ ಕೇಸರಿಬಾತ್ ಮಾಡುವ ವಿಧಾನ

Ananas kesari bath recipe in Kannada | ಅನಾನಸ್ ಕೇಸರಿಬಾತ್ ಮಾಡುವ ವಿಧಾನ

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 120 ಎಂಎಲ್)

1. 1 ಕಪ್ ಮಧ್ಯಮ ರವೆ ಅಥವಾ ಉಪ್ಪಿಟ್ಟು ರವೇ
2. 1 ಕಪ್ ಸಣ್ಣಗೆ ಹೆಚ್ಚಿದ ಅನಾನಸ್
3. 2.5 ಕಪ್ ನೀರು
4. 1.25 ಕಪ್ ಸಕ್ಕರೆ
5. 0.25 - 0.5 ಕಪ್ ತುಪ್ಪ (1 ಕಪ್ ವರೆಗೆ ಹಾಕಬಹುದು)
6. ಚಿಟಿಕೆ ಕೇಸರಿ ದಳ ಅಥವಾ ಬಣ್ಣ ಅಥವಾ ಅರಶಿನ ಪುಡಿ
7. ಒಂದು ದೊಡ್ಡ ಚಿಟಿಕೆ ಏಲಕ್ಕಿ ಪುಡಿ
8. 5-6 ಗೋಡಂಬಿ
9. 8-10 ಒಣ ದ್ರಾಕ್ಷಿ (ಬೇಕಾದಲ್ಲಿ)

ಅನಾನಸ್ ಕೇಸರಿಬಾತ್ ಪಾಕವಿಧಾನ:

1. ಒಂದು ಬಾಣಲೆಯಲ್ಲಿ ಒಂದು ಟೇಬಲ್ ಚಮಚ ತುಪ್ಪ ಮತ್ತು ಹೆಚ್ಚಿದ ಅನಾನಸ್ ಹಣ್ಣು ಹಾಕಿ ಹುರಿಯಿರಿ. 
2. ಅದಕ್ಕೆ ಸಕ್ಕರೆ, ಕೇಸರಿ ದಳ, ನೀರು ಮತ್ತು ಏಲಕ್ಕಿ ಪುಡಿ ಹಾಕಿ ಕುದಿಯಲು ಇಡಿ. 
3. ಇನ್ನೊಂದು ಬಾಣಲೆಯಲ್ಲಿ ಉಳಿದ ತುಪ್ಪ, ಗೋಡಂಬಿ, ದ್ರಾಕ್ಷಿ(ಬೇಕಾದಲ್ಲಿ) ಮತ್ತು ರವೇ ಹಾಕಿ ಹುರಿಯಲು ಪ್ರಾರಂಭಿಸಿ. ಸ್ಟೋವ್ ಮಧ್ಯಮ ಉರಿಯಲ್ಲಿರಲಿ. 
4. ಒಳ್ಳೆಯ ಘಮ ಅಥವಾ ರವೆ ಅಲ್ಲಲ್ಲಿ ಬಿಳಿಯಾದಾಗ ಉರಿ ತಗ್ಗಿಸಿ. 
5. ಇಷ್ಟರೊಳಗೆ ಇನ್ನೊಂದು ಬಾಣಲೆಯ ನೀರು ಕುದಿಯಲಾರಂಭಿಸಿರುತ್ತದೆ. ಆ ಕುದಿಯುವ ನೀರನ್ನು ಜಾಗ್ರತೆಯಿಂದ ರವೆ ಇರುವ ಬಾಣಲೆಗೆ ಸ್ವಲ್ಪ ಸ್ವಲ್ಪವಾಗಿ ಸುರಿಯಿರಿ.
6. ಚೆನ್ನಾಗಿ ಮಗುಚಿ. ದಪ್ಪ ಪೇಸ್ಟ್ ನ ಹದಕ್ಕೆ ಬಂದ ಕೂಡಲೇ ಸ್ಟೋವ್ ಆಫ್ ಮಾಡಿ. ಬಿಸಿ ಆರಿದ ಮೇಲೆ ಗಟ್ಟಿಯಾಗುತ್ತದೆ. ನೆನಪಿಡಿ ೪ - ೫ ನಿಮಿಷದೊಳಗೆ ಪೇಸ್ಟ್ ನ ಹದಕ್ಕೆ ಬರುತ್ತದೆ. ಬಿಸಿ ಅಥವಾ ತಣ್ಣಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Thondekai palya recipe in Kannada | ತೊಂಡೆಕಾಯಿ ಪಲ್ಯ ಮಾಡುವ ವಿಧಾನ

Thondekai palya recipe in Kannada | ತೊಂಡೆಕಾಯಿ ಪಲ್ಯ ಮಾಡುವ ವಿಧಾನ 

ತೊಂಡೆಕಾಯಿ ಪಲ್ಯ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 kg ತೊಂಡೆಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 1 ಟೀಸ್ಪೂನ್ ಉದ್ದಿನ ಬೇಳೆ
4. 1 ಟೀಸ್ಪೂನ್ ಕಡ್ಲೆ ಬೇಳೆ
5. 4 - 6 ಟೀಸ್ಪೂನ್ ಅಡುಗೆ ಎಣ್ಣೆ
6. 1 ದೊಡ್ಡ ಚಿಟಿಕೆ ಅರಿಶಿನ ಪುಡಿ
7. 1 ದೊಡ್ಡ ಚಿಟಿಕೆ ಇಂಗು
8. 4 - 5 ಕರಿಬೇವಿನ ಎಲೆ
9. ಸಣ್ಣ ನೆಲ್ಲಿಕಾಯಿ ಗಾತ್ರದ ಬೆಲ್ಲ
10. ಉಪ್ಪು ರುಚಿಗೆ ತಕ್ಕಷ್ಟು
11. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು

ಅರೆಯಲು ಬೇಕಾಗುವ ಪದಾರ್ಥಗಳು:

1. 1/2 ಕಪ್ ತೆಂಗಿನ ತುರಿ
2. 2 - 3 ಒಣ ಮೆಣಸಿನಕಾಯಿ
3. 1/2 ಟೀಸ್ಪೂನ್ ಸಾಸಿವೆ

ತೊಂಡೆಕಾಯಿ ಪಲ್ಯ ಮಾಡುವ ವಿಧಾನ:

1. ತೊಂಡೆಕಾಯಿಯನ್ನು ತೊಳೆದು, ಕತ್ತರಿಸಿ.
2. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಉದ್ದಿನಬೇಳೆ ಮತ್ತು ಕಡ್ಲೆಬೇಳೆ ಹಾಕಿ. 
3. ಸಾಸಿವೆ ಸಿಡಿದ ಕೂಡಲೇ ಅರಶಿನ, ಇಂಗು ಮತ್ತು ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ತಯಾರಿಸಿಕೊಳ್ಳಿ. 
4. ಅದಕ್ಕೆ ಕತ್ತರಿಸಿದ ತೊಂಡೆಕಾಯಿ ಹಾಕಿ.  1/2 ಕಪ್ ನೀರು ಹಾಕಿ, ಮುಚ್ಚಳ ಮುಚ್ಚಿ ಮೆತ್ತಗಾಗುವವರೆಗೆ ಬೇಯಿಸಿ. 
5. ಬೇಯುತ್ತಾ ಬಂದಾಗ ಉಪ್ಪು ಮತ್ತು ಬೆಲ್ಲ ಹಾಕಿ ಮಗುಚಿ.
6. ಅದೇ ಸಮಯದಲ್ಲಿ ಒಂದು ಮಿಕ್ಸಿ ಜಾರ್ ನಲ್ಲಿ ತೆಂಗಿನ ತುರಿ, 1/4 ಚಮಚ ಸಾಸಿವೆ ಮತ್ತು ಒಣ ಮೆಣಸಿನಕಾಯಿ ಹಾಕಿ, ನೀರು ಹಾಕದೆ ಪುಡಿ ಮಾಡಿ. 
7. ಪುಡಿ ಮಾಡಿದ ಮಸಾಲೆಯನ್ನು ಬೇಯುತ್ತಿರುವ ತೊಂಡೆ ಕಾಯಿಗೆ ಹಾಕಿ. 
8. ಕೊತ್ತಂಬರಿ ಸೊಪ್ಪನ್ನು ಉದುರಿಸಿ ಚೆನ್ನಾಗಿ ಮಗುಚಿ.  ಸ್ಟೋವ್ ಆಫ್ ಮಾಡಿ. ಚಪಾತಿ ಅಥವಾ ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Belgaum Kunda recipe in Kannada | ಬೆಳಗಾಂ ಕುಂದಾ ಮಾಡುವ ವಿಧಾನ

Belgaum Kunda recipe in Kannada | ಬೆಳಗಾಂ ಕುಂದಾ ಮಾಡುವ ವಿಧಾನ

ಬೆಳಗಾಂ ಕುಂದಾ ವಿಡಿಯೋ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 1 ಲೀ ಹಾಲು
2. 1/2 + 1/4 ಕಪ್ ಸಕ್ಕರೆ
3. 1/2 ಕಪ್ ಮೊಸರು (ಹುಳಿಯಿಲ್ಲದ್ದು)
4. 2 ಏಲಕ್ಕಿ ಪುಡಿಮಾಡಿದ್ದು

ಬೆಳಗಾಂ ಕುಂದಾ ಮಾಡುವ ವಿಧಾನ:

1. ಒಂದು ದಪ್ಪ ತಳದ ಬಾಣಲೆಯಲ್ಲಿ ಹಾಲನ್ನು ಕುದಿಯಲು ಇಡಿ. 
2. ಹಾಲು ಸುಮಾರು 1/4  ಭಾಗದಷ್ಟಾಗುವವರೆಗೆ ಆಗಾಗ್ಯೆ ಮಗುಚುತ್ತಾ ಕುದಿಸಿ. 
3. ನಂತರ ಮೊಸರನ್ನು ಸೇರಿಸಿ ಕುದಿಸುವುದನ್ನು ಮುಂದುವರೆಸಿ.  
4. ಹಾಲು ಒಡೆಯಲು ಪ್ರಾರಂಭವಾದಾಗ ಸಕ್ಕರೆ ಸೇರಿಸಿ ಕುದಿಸುವುದನ್ನು ಮುಂದುವರೆಸಿ.
5. ಇನ್ನೊಂದು ಬಾಣಲೆಯಲ್ಲಿ ಉಳಿದ 1/4 ಕಪ್  ಸಕ್ಕರೆ ಹಾಕಿ ಬಿಸಿ ಮಾಡಿ. 
6. ನೀರು ಹಾಕದೆ ಕಂದುಬಣ್ಣಕ್ಕೆ ತಿರುಗುವವರೆಗೆ ಬಿಸಿಮಾಡಿ. 
7. ಇದನ್ನು ಕುದಿಯುತ್ತಿರುವ ಹಾಲು+ಸಕ್ಕರೆ+ಮೊಸರು ಇರುವ ಬಾಣಲೆಗೆ ಹಾಕಿ. 
8. ಹೆಚ್ಚಿನ ನೀರಾರುವವರೆಗೆ ಕುದಿಸಿ.
9. ಕೊನೆಯಲ್ಲಿ ಏಲಕ್ಕಿ ಪುಡಿ ಹಾಕಿ, ಮಗುಚಿ ಸ್ಟವ್ ಆಫ್ ಮಾಡಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Sorekai palya recipe in Kannada | ಸೋರೆಕಾಯಿ ಪಲ್ಯ ಮಾಡುವ ವಿಧಾನ

Sorekai palya recipe in Kannada | ಸೋರೆಕಾಯಿ ಪಲ್ಯ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಮಧ್ಯಮ ಗಾತ್ರದ ಸೋರೆಕಾಯಿ
2. 1/2 ಟೀಸ್ಪೂನ್ ಸಾಸಿವೆ
3. 1 ಟೀಸ್ಪೂನ್ ಉದ್ದಿನ ಬೇಳೆ
4. 1 ಟೀಸ್ಪೂನ್ ಕಡ್ಲೆ ಬೇಳೆ
5. 4 - 6 ಟೀಸ್ಪೂನ್ ಅಡುಗೆ ಎಣ್ಣೆ
6. 1 ಒಣ ಮೆಣಸಿನಕಾಯಿ (ಬೇಕಾದಲ್ಲಿ)
7. 1 ದೊಡ್ಡ ಚಿಟಿಕೆ ಅರಿಶಿನ ಪುಡಿ
8. 1 ದೊಡ್ಡ ಚಿಟಿಕೆ ಇಂಗು
9. 4 - 5 ಕರಿಬೇವಿನ ಎಲೆ
10. ಸಣ್ಣ ನೆಲ್ಲಿಕಾಯಿ ಗಾತ್ರದ ಬೆಲ್ಲ
11. ಉಪ್ಪು ರುಚಿಗೆ ತಕ್ಕಷ್ಟು
12. 1 ಟೇಬಲ್ ಚಮಚ ಕೊತ್ತಂಬರಿ ಸೊಪ್ಪು
13. 1 - 2 ಟೀಸ್ಪೂನ್ ನಿಂಬೆರಸ

ಅರೆಯಲು ಬೇಕಾಗುವ ಪದಾರ್ಥಗಳು:

1. 1/2 ಕಪ್ ತೆಂಗಿನ ತುರಿ
2. 1 ಟೀಸ್ಪೂನ್ ಸಾರಿನ ಪುಡಿ । ಪಲ್ಯದ ಪುಡಿ । ಅಚ್ಚಖಾರದ ಪುಡಿ । ಹಸಿರು ಮೆಣಸಿನಕಾಯಿ
3. 4 - 5 ಕರಿಬೇವಿನ ಎಲೆ (ಬೇಕಾದಲ್ಲಿ)
4. 1/2 ಟೀಸ್ಪೂನ್ ಸಾಸಿವೆ

ಸೋರೆಕಾಯಿ ಪಲ್ಯ ಮಾಡುವ ವಿಧಾನ:

1. ಸೋರೆಕಾಯಿಯನ್ನು ತೊಳೆದು, ಸಿಪ್ಪೆ ತೆಗೆದು,  ಕತ್ತರಿಸಿ. ಬೀಜ ಬೆಳೆದಿದ್ದರೆ ತೆಗೆಯಿರಿ. 
2. ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ. ಸಾಸಿವೆ, ಉದ್ದಿನಬೇಳೆ ಮತ್ತು ಕಡ್ಲೆಬೇಳೆ ಹಾಕಿ. 
3. ಸಾಸಿವೆ ಸಿಡಿದ ಕೂಡಲೇ ಅರಶಿನ, ಇಂಗು, ಒಣ ಮೆಣಸಿನಕಾಯಿ ಮತ್ತು ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ತಯಾರಿಸಿಕೊಳ್ಳಿ. 
4. ಅದಕ್ಕೆ ಕತ್ತರಿಸಿದ ಸೊರೆಕಾಯಿ ಹಾಕಿ. 
5. ಉಪ್ಪು ಮತ್ತು ಬೆಲ್ಲ ಹಾಕಿ ಮಗುಚಿ.
6. 1/4 ಕಪ್ ನೀರು ಹಾಕಿ, ಮುಚ್ಚಳ ಮುಚ್ಚಿ ಮೆತ್ತಗಾಗುವವರೆಗೆ ಬೇಯಿಸಿ. 
7. ಅದೇ ಸಮಯದಲ್ಲಿ ಒಂದು ಮಿಕ್ಸಿ ಜಾರ್ ನಲ್ಲಿ ತೆಂಗಿನ ತುರಿ, 1/4 ಚಮಚ ಸಾಸಿವೆ ಮತ್ತು ಸಾರಿನ ಪುಡಿ ಅಥವಾ ಪಲ್ಯದ ಪುಡಿ ಹಾಕಿ, ನೀರು ಹಾಕದೆ ಪುಡಿ ಮಾಡಿ. 
8. ಪುಡಿ ಮಾಡಿದ ಮಸಾಲೆಯನ್ನು ಬೇಯುತ್ತಿರುವ ಸೋರೆಕಾಯಿಗೆ ಹಾಕಿ. 
9. ಕೊತ್ತಂಬರಿ ಸೊಪ್ಪನ್ನು ಉದುರಿಸಿ ಚೆನ್ನಾಗಿ ಮಗುಚಿ.  ಸ್ಟೋವ್ ಆಫ್ ಮಾಡಿ. 
10. ಕೊನೆಯಲ್ಲಿ ನಿಂಬೆರಸ ಸೇರಿಸಿ (ಬೇಕಾದಲ್ಲಿ). ಚಪಾತಿ ಅಥವಾ ಬಿಸಿ ಅನ್ನದೊಂದಿಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Shenga hindi recipe in Kannada | ಶೇಂಗಾ ಹಿಂಡಿ ಮಾಡುವ ವಿಧಾನ

Shenga chutney pudi recipe in Kannada | ಶೇಂಗಾ ಹಿಂಡಿ ಮಾಡುವ ವಿಧಾನ 

Shenga chutney powder video

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಕಡಲೆಕಾಯಿ ಅಥವಾ ಶೆಂಗಾ
2. 1 - 2 ಟೀಸ್ಪೂನ್ ಅಚ್ಚಖಾರದ ಪುಡಿ (ನಿಮ್ಮ ಖಾರಕ್ಕೆ ತಕ್ಕಂತೆ) 
3. 1/4 ಟೀಸ್ಪೂನ್ ಜೀರಿಗೆ 
4. 4 - 5 ಕರಿಬೇವಿನ ಎಲೆ (ಬೇಕಾದಲ್ಲಿ) 
5. 4 - 5 ಬೇಳೆ ಬೆಳ್ಳುಳ್ಳಿ 
6. 1/2 ಟೀಸ್ಪೂನ್ ಸಕ್ಕರೆ 
7. ನಿಮ್ಮ ರುಚಿಗೆ ತಕ್ಕಂತೆ ಉಪ್ಪು

ಶೇಂಗಾ ಹಿಂಡಿ ಮಾಡುವ ವಿಧಾನ:

1. ಒಂದು ಬಾಣಲೆಯನ್ನು ಬಿಸಿ ಮಾಡಿ. ಕಡಲೆಕಾಯಿ ಅಥವಾ ಶೇಂಗಾವನ್ನು ಮಧ್ಯಮ ಉರಿಯಲ್ಲಿ ಅಲ್ಲಲ್ಲಿ ಕೆಂಪಗಾಗುವವರೆಗೆ ಹುರಿದು ತೆಗೆದಿಡಿ.
2. ಹುರಿದ ಶೇಂಗಾ ಬಿಸಿ ಆರಿದ ಮೇಲೆ, ಜೀರಿಗೆ, ಬೆಳ್ಳುಳ್ಳಿ, ಕರಿಬೇವು ಸೇರಿಸಿ ಪುಡಿ ಮಾಡಿ. ಮಿಕ್ಸಿಯಲ್ಲಿ ಬುರ್-ಬುರ್ ಮಾಡಿ ಪುಡಿ ಮಾಡಿ. ಪುಡಿ ಸ್ವಲ್ಪ ತರಿತರಿಯಾಗಿರಲಿ.  
3. ನಂತರ ಅದಕ್ಕೆ ಸಕ್ಕರೆ, ಉಪ್ಪು ಮತ್ತು ಅಚ್ಚಖಾರದ ಪುಡಿ ಸೇರಿಸಿ ಪುನಃ ಒಂದೆರಡು ಸುತ್ತು ಮಿಕ್ಸಿ ಮಾಡಿ. 
4. ತಯಾರಾದ ಚಟ್ನಿ ಪುಡಿಯನ್ನು ಒಂದು ಬಟ್ಟಲಿಗೆ ಹಾಕಿ. ಬಿಸಿ ಆರಿದ ಮೇಲೆ ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. ರೊಟ್ಟಿ ಅಥವಾ ಚಪಾತಿಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Chutney pudi recipe in Kannada | ಚಟ್ನಿ ಪುಡಿ ಮಾಡುವ ವಿಧಾನ

Chutney pudi recipe in Kannada | ಚಟ್ನಿ ಪುಡಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 10 - 20 ಒಣ ಮೆಣಸಿನಕಾಯಿ (ಮಧ್ಯಮ ಖಾರ)
2. 2 - 4 ಎಸಳು ಕರಿಬೇವು 
3. 1/2 ಕಪ್ ಕಡಲೆಬೇಳೆ 
4. 1/3 ಕಪ್ ಉದ್ದಿನ ಬೇಳೆ 
5. 1/2 ಕಪ್ ಒಣ ಕೊಬ್ಬರಿ ತುರಿದಿದ್ದು
6. 2 ಟೀಸ್ಪೂನ್ ಕೊತ್ತಂಬರಿ ಬೀಜ
7. 1/2 ಟೀಸ್ಪೂನ್ ಇಂಗಿನ ಪುಡಿ
8. ನೆಲ್ಲಿಕಾಯಿ ಗಾತ್ರದ ಹುಣಿಸೇಹಣ್ಣು (ನಾನು ವಾಟೆಹುಳಿ ಪುಡಿ ಉಪಯೋಗಿಸಿದ್ದೇನೆ)
9. 2 ಟೀಸ್ಪೂನ್ ಅಡುಗೆ ಎಣ್ಣೆ

ಚಟ್ನಿ ಪುಡಿ ಮಾಡುವ ವಿಧಾನ:

1. ಒಂದು ಬಾಣಲೆಯನ್ನು ಬಿಸಿ ಮಾಡಿ. ಒಣ ಮೆಣಸಿನಕಾಯಿಗಳನ್ನು ಹುರಿದು ತೆಗೆದಿಡಿ.
2. ನಂತರ ಕಡಲೆಬೇಳೆಯನ್ನು ಮಧ್ಯಮ ಉರಿಯಲ್ಲಿ ಸ್ವಲ್ಪ ಕಂದು ಬಣ್ಣ ಬರುವವರವರೆಗೆ ಹುರಿದು ತೆಗೆದಿಡಿ.
3. ನಂತರ ಉದ್ದಿನ ಬೇಳೆಯನ್ನು ಮಧ್ಯಮ ಉರಿಯಲ್ಲಿ ಸ್ವಲ್ಪ ಕಂದು ಬಣ್ಣ ಬರುವವರವರೆಗೆ ಹುರಿದು ತೆಗೆದಿಡಿ.
4.  ಕರಿಬೇವನ್ನು ಗರಿಗರಿ ಯಾಗುವವರೆಗೆ ಹುರಿಯಿರಿ.
5. ಅದಕ್ಕೆ ಇಂಗು ಮತ್ತು ಹುಣಿಸೆಹಣ್ಣಿನ ಚೂರುಗಳನ್ನು ಹಾಕಿ ಕೆಲವು ಸೆಕೆಂಡ್ಗಳ ಕಾಲ ಹುರಿದು ತೆಗೆದಿಡಿ. 
6. ನಂತರ ಒಣ ಕೊಬ್ಬರಿ ಯನ್ನು ಹುರಿದು ತೆಗೆದಿಡಿ. 
7. ಹುರಿದ ಎಲ್ಲ ಪದಾರ್ಥಗಳು ತಣ್ಣಗೆ ಆದ ಮೇಲೆ ಮಿಕ್ಸಿ ಜಾರಿಗೆ ಹಾಕಿ ನುಣ್ಣನೆ ಪುಡಿ ಮಾಡಿ. ಗಾಳಿಯಾಡದ ಡಬ್ಬದಲ್ಲಿ ಹಾಕಿ ಎತ್ತಿಡಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Hesarubele thove recipe in Kannada | ಹೆಸರುಬೇಳೆ ತೊವೆ ಮಾಡುವ ವಿಧಾನ

Hesarubele thove recipe in Kannada | ಹೆಸರುಬೇಳೆ ತೊವೆ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/4 ಕಪ್ ಹೆಸರುಬೇಳೆ
2. 1 ಲೀ ನೀರು
3. 1 ಸಣ್ಣ ಟೊಮೇಟೊ
4. 1 - 2 ಹಸಿರು ಮೆಣಸಿನ ಕಾಯಿ (ನಿಮ್ಮ ಖಾರಕ್ಕೆ ತಕ್ಕಂತೆ)
5. 1 cm ಉದ್ದದ ಶುಂಠಿ
6. ಒಂದು ಚಿಟಿಕೆ ಅರಶಿನ ಪುಡಿ
7. 1 ಟೇಬಲ್ ಚಮಚ ಕತ್ತರಿಸಿದ ಕೊತ್ತಂಬರಿ ಸೊಪ್ಪು
8. ಉಪ್ಪು ರುಚಿಗೆ ತಕ್ಕಷ್ಟು

ಅರೆಯಲು ಬೇಕಾಗುವ ಪದಾರ್ಥಗಳು:

1. 1/2 ಕಪ್ ತೆಂಗಿನತುರಿ
2. 1/4 ಟೀಸ್ಪೂನ್ ಸಾಸಿವೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1 ಒಣ ಮೆಣಸಿನಕಾಯಿ
2. 1/4 ಟೀಸ್ಪೂನ್ ಸಾಸಿವೆ
3. ಒಂದು ದೊಡ್ಡ ಚಿಟಿಕೆ ಇಂಗು 
4. 4 - 5 ಕರಿಬೇವಿನ ಎಲೆ
5. 1 ಟೀಸ್ಪೂನ್ ಅಡುಗೆ ಎಣ್ಣೆ

ಹೆಸರುಬೇಳೆ ತೊವೆ ಮಾಡುವ ವಿಧಾನ:

1. ಹೆಸರುಬೇಳೆಯನ್ನು ತೊಳೆದು ಸ್ವಲ್ಪ ನೀರು, ಒಂದೆರಡು ಹನಿ ಎಣ್ಣೆ ಮತ್ತು ಅರಶಿನ ಹಾಕಿ ಮೆತ್ತಗೆ ಬೇಯಿಸಿಕೊಳ್ಳಿ. 
2. ಅದಕ್ಕೆ ಕತ್ತರಿಸಿದ ಟೊಮೇಟೊ, ಹಸಿರುಮೆಣಸಿನಕಾಯಿ ಮತ್ತು ಶುಂಠಿ ಹಾಕಿ ಮೆತ್ತಗೆ ಬೇಯಿಸಿಕೊಳ್ಳಿ.
3. ತೆಂಗಿನತುರಿ ಮತ್ತು ಸಾಸಿವೆಯನ್ನು ಮಿಕ್ಸಿಗೆ ಹಾಕಿ ಸಣ್ಣಗೆ ರುಬ್ಬಿಕೊಳ್ಳಿ. 
4. ರುಬ್ಬಿದ ಮಿಶ್ರಣವನ್ನು ಬೇಯಿಸಿದ ಹೆಸರುಬೇಳೆ ಮತ್ತು ಟೊಮ್ಯಾಟೊಗೆ ಸೇರಿಸಿ. 
5. ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ ಕುದಿಸಿ. 
6. ಎಣ್ಣೆ, ಒಣಮೆಣಸು, ಸಾಸಿವೆ, ಕರಿಬೇವು ಮತ್ತು ಇಂಗಿನ ಒಗ್ಗರಣೆ ಕೊಡಿ. ಬಿಸಿ ಇಡ್ಲಿ ಅಥವಾ ಅನ್ನದೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Cabbage dose recipe in Kannada | ಎಲೆಕೋಸು ದೋಸೆ ಮಾಡುವ ವಿಧಾನ

Cabbage dose recipe in Kannada | ಎಲೆಕೋಸು ದೋಸೆ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1 ಕಪ್ ದೋಸೆ ಅಕ್ಕಿ
2. 1 ಕಪ್ ಸಣ್ಣಗೆ ಕತ್ತರಿಸಿದ ಎಲೆಕೋಸು
3. 1 ಮಧ್ಯಮ ಗಾತ್ರದ ಈರುಳ್ಳಿ
4. 1/4 ಕಪ್ ತೆಂಗಿನ ತುರಿ
5. 1 ಟೀಸ್ಪೂನ್ ಕೊತ್ತಂಬರಿ ಬೀಜ 
6. 1/2 ಟೀಸ್ಪೂನ್ ಜೀರಿಗೆ 
7. 2 ಕೆಂಪು ಮೆಣಸಿನಕಾಯಿ 
8. ಸಣ್ಣ ಗೋಲಿ ಗಾತ್ರದ ಹುಣಸೆ ಹಣ್ಣು 
9. 1 ಟೀಸ್ಪೂನ್ ಬೆಲ್ಲ (ಬೇಕಾದಲ್ಲಿ) 
10. ಉಪ್ಪು ರುಚಿಗೆ ತಕ್ಕಷ್ಟು

ಎಲೆಕೋಸು ದೋಸೆ ಮಾಡುವ ವಿಧಾನ:

1. ಅಕ್ಕಿಯನ್ನು ತೊಳೆದು 4 - 5 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ.
2. ನಂತರ ನೀರನ್ನು ಬಗ್ಗಿಸಿ, ತೆಂಗಿನ ತುರಿ, ಕೊತ್ತಂಬರಿ, ಜೀರಿಗೆ, ಕೆಂಪು ಮೆಣಸಿನಕಾಯಿ, ಬೆಲ್ಲ ಮತ್ತು ಹುಣಸೆ ಹಣ್ಣು ಹಾಕಿ ಮಿಕ್ಸರ್ ಗ್ರೈಂಡರ್ ನಲ್ಲಿ ನಯವಾಗಿ ಅರೆಯಿರಿ.  
3. ಅರೆದ ಮೇಲೆ ಒಂದು ಪಾತ್ರೆಗೆ ಹಾಕಿ. ಈಗ ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ಮತ್ತು ಅಗತ್ಯವಿದ್ದಷ್ಟು ನೀರು ಸೇರಿಸಿ. ಹಿಟ್ಟು ತೆಳುವಾದ ಮಿಲ್ಕ್ ಶೇಕ್ ನಂತಿರಲಿ. 
4. ಅದಕ್ಕೆ ಸಣ್ಣಗೆ ಹೆಚ್ಚಿದ ಎಲೆಕೋಸು ಮತ್ತು ಈರುಳ್ಳಿಯನ್ನು ಸೇರಿಸಿ. 
5. ದೋಸೆ ಕಲ್ಲು ಅಥವಾ ಹಂಚನ್ನು ಬಿಸಿ ಮಾಡಿ. ಒಂದು ಸೌಟು ದೋಸೆ ಹಿಟ್ಟನ್ನು ಸೌಟಿನಿಂದ ಸುರಿದು ದೋಸೆ ಮಾಡಿ. 
6. ಸುಮಾರು 10 ಸೆಕೆಂಡುಗಳ ಕಾಲ ಮುಚ್ಚಳವನ್ನು ಮುಚ್ಚಿ. ನಂತರ ಮುಚ್ಚಳ ತೆರೆದು, ಮೇಲಿನಿಂದ ಎಣ್ಣೆ ಅಥವಾ ತುಪ್ಪ ಹಾಕಿ. 
7. ದೋಸೆಯನ್ನು ಮಗುಚಿ ಇನ್ನೊಂದು ಬದಿ ಕಾಯಿಸಿ. 
8. ಬಿಸಿ ಬಿಸಿ ದೋಸೆಯನ್ನು ತುಪ್ಪ ಮತ್ತು ಚಟ್ನಿಯೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Beetroot halwa recipe in Kannada | ಬೀಟ್ರೂಟ್ ಹಲ್ವಾ ಮಾಡುವ ವಿಧಾನ

Beetroot halwa recipe in Kannada |ಬೀಟ್ರೂಟ್ ಹಲ್ವಾ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು:( ಅಳತೆ ಕಪ್ = 240 ಎಂಎಲ್ )

1. 2 ಕಪ್ ಬೀಟ್ರೂಟ್ ತುರಿ ಅಥವಾ 1 ದೊಡ್ಡ ಗಾತ್ರದ ಬೀಟ್ರೂಟ್
2. 1 ಕಪ್ ಹಾಲು
3. 1/4 ಕಪ್ ಸಕ್ಕರೆ
4. 2 ಟೇಬಲ್ ಸ್ಪೂನ್ ತುಪ್ಪ
5. 1 ಟೇಬಲ್ ಸ್ಪೂನ್ ಗೋಡಂಬಿ ಕತ್ತರಿಸಿದ್ದು
6. 1/4 ಟೀಸ್ಪೂನ್ ಏಲಕ್ಕಿ ಪುಡಿ

ಬೀಟ್ರೂಟ್ ಹಲ್ವಾ ಮಾಡುವ ವಿಧಾನ:

1. ಬೀಟ್ರೂಟ್ ನ್ನು ತೊಳೆದು, ಸಿಪ್ಪೆ ತೆಗೆದು ತುರಿದುಕೊಳ್ಳಿ.
2. ಒಂದು ಬಾಣಲೆಯಲ್ಲಿ ಒಂದು ಟೇಬಲ್ ಚಮಚ ತುಪ್ಪ ಹಾಕಿ. ಬಿಸಿ ಮಾಡಿ. 
3. ಬೀಟ್ರೂಟ್ ತುರಿ ಹಾಕಿ, ಬೀಟ್ರೂಟ್ ಮೆತ್ತಗಾಗುವವರೆಗೆ ಹುರಿಯಿರಿ.
4. ನಂತರ ಹಾಲು ಸೇರಿಸಿ.
5. ದೊಡ್ಡ ಮಧ್ಯಮ ಉರಿಯಲ್ಲಿ ಆಗಾಗ್ಯೆ ಮಗುಚುತ್ತಾ ಬೇಯಿಸಿ. 
6. ಹಾಲು ಕಡಿಮೆ ಆದಾಗ ಸಕ್ಕರೆ ಸೇರಿಸಿ. 
7. ಹಲ್ವಾ ನೀರಾರುತ್ತ ಬಂದಾಗ ಕತ್ತರಿಸಿದ ಗೋಡಂಬಿ ಮತ್ತು ಇನ್ನೊಂದು ಟೇಬಲ್ ಚಮಚ ತುಪ್ಪ ಹಾಕಿ. 
8. ಆಗಾಗ್ಯೆ ಮಗುಚುತ್ತಾ ಇರಿ. ಉರಿ ಕಡಿಮೆ ಇರಲಿ. 
9. ಕೊನೆಯಲ್ಲಿ ಏಲಕ್ಕಿ ಪುಡಿ ಸೇರಿಸಿ ಮಗುಚಿ. 
10. ಹಲ್ವಾದ ನೀರು ಸಂಪೂರ್ಣ ಆರುತ್ತಾ ಬಂದಾಗ ಸ್ಟೋವ್ ಆಫ್ ಮಾಡಿ. ಬಿಸಿ ಅಥವಾ ತಣ್ಣಗೆ ಬಡಿಸಿ.

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Cutlet recipe in Kannada | ಕಟ್ಲೆಟ್ ಮಾಡುವ ವಿಧಾನ

Cutlet recipe in Kannada | ಕಟ್ಲೆಟ್ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 2 ಆಲೂಗಡ್ಡೆ
2. 1/2 ಕಪ್ ಹಸಿ ಬಟಾಣಿ 
3. 1/2 ಟೀಸ್ಪೂನ್ ಜೀರಿಗೆ 
4. 1 ಈರುಳ್ಳಿ 
5. 1 ಟೀಸ್ಪೂನ್ ಸಣ್ಣದಾಗಿ ಕೊಚ್ಚಿದ ಶುಂಠಿ 
6. 1 ಟೇಬಲ್ ಚಮಚ ಸಣ್ಣದಾಗಿ ಕೊಚ್ಚಿದ ಕೊತ್ತಂಬರಿ ಸೊಪ್ಪು 
7. 1 ಟೇಬಲ್ ಚಮಚ ನುಣ್ಣಗೆ ಕತ್ತರಿಸಿದ ಪುದಿನ (ಬೇಕಾದಲ್ಲಿ) 
8. 1/2 - 1 ಟೀಸ್ಪೂನ್ ಅಚ್ಚಖಾರದ ಪುಡಿ 
9. 1/2 ಟೀಸ್ಪೂನ್ ಗರಂ ಮಸಾಲಾ 
10. 1 ಟೀಸ್ಪೂನ್ ನಿಂಬೆ ರಸ (ಬೇಕಾದಲ್ಲಿ) 
11. 4 ಬ್ರೆಡ್
12. 2 ಟೇಬಲ್ ಚಮಚ ಜೋಳದ ಹಿಟ್ಟು
13. ಉಪ್ಪು ರುಚಿಗೆ ತಕ್ಕಷ್ಟು 
14. ಎಣ್ಣೆ ಕಾಯಿಸಲು

ಕಟ್ಲೆಟ್ ಮಾಡುವ ವಿಧಾನ:

1. ಆಲೂಗಡ್ಡೆ ಮತ್ತು ಹಸಿಬಟಾಣಿಯನ್ನು ಬೇಯಿಸಿಕೊಳ್ಳಿ. ಆಲೂಗಡ್ಡೆ ಸಿಪ್ಪೆ ತೆಗೆಯಿರಿ. ಎರಡನ್ನು ಮ್ಯಾಶ್ ಮಾಡಿ ಅಥವಾ ಹಿಸುಕಿ.  
2.  2 ಟೀಸ್ಪೂನ್ ಎಣ್ಣೆಯನ್ನು ಒಂದು ಬಾಣಲೆಯಲ್ಲಿ ಬಿಸಿ ಮಾಡಿ ಜೀರಿಗೆ ಹಾಕಿ. 
3. ಜೀರಿಗೆ ಸಿಡಿದ ಮೇಲೆ ನುಣ್ಣಗೆ ಕತ್ತರಿಸಿದ ಶುಂಠಿ ಮತ್ತು ಈರುಳ್ಳಿ ಸೇರಿಸಿ ಮೆತ್ತಗಾಗುವವರೆಗೆ ಹುರಿಯಿರಿ. 
4. ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಮತ್ತು ಪುದಿನ ಸೇರಿಸಿ ಹುರಿಯಿರಿ. 
5. ಬೇಯಿಸಿ, ಹಿಸುಕಿದ ಆಲೂಗಡ್ಡೆ ಮತ್ತು ಹಸಿಬಟಾಣಿ ಹಾಕಿ ಕಲಸಿ. 
6. ನಂತರ ಅಚ್ಚ ಖಾರದ ಪುಡಿ, ಉಪ್ಪು ಮತ್ತು ಗರಂ ಮಸಾಲಾ ಸೇರಿಸಿ ಕಲಸಿ. ಬೇಕಾದಲ್ಲಿ ನಿಂಬೆರಸ ಹಾಕಿ. ಸ್ಟವ್ ಆಫ್ ಮಾಡಿ. 
7. ಎರಡು ಬ್ರೆಡ್ ನ್ನು ನೀರಿನಲ್ಲಿ ಹಾಕಿ, ಹಿಂಡಿ ತೆಗೆದು ಸೇರಿಸಿ ಕಲಸಿ.  
8. ನಂತ್ರ ಒಂದು ಬಟ್ಟಲಿನಲ್ಲಿ ಜೋಳದ ಹಿಟ್ಟು ಮತ್ತು ನೀರು ಹಾಕಿ ತೆಳುವಾದ ದೋಸೆ ಹಿಟ್ಟಿನಂತೆ ಮಾಡಿಕೊಳ್ಳಿ. 
9. ಉಳಿದ ಎರಡು ಬ್ರೆಡ್ ನ್ನು ಮಿಕ್ಸಿಗೆ ಹಾಕಿ ಪುಡಿ ಮಾಡಿಟ್ಟು ಕೊಳ್ಳಿ. 
10. ಮಸಾಲೆ ಹಾಕಿ ಸಿದ್ದ ಪಡಿಸಿದ ಆಲೂಗಡ್ಡೆ ಮಿಶ್ರಣದಿಂದ ಚಪ್ಪಟೆಯಾದ ಕಟ್ಲೇಟ್ ಗಳನ್ನೂ ಮಾಡಿಕೊಳ್ಳಿ. 
11. ಅದನ್ನು ಮೊದಲು ಜೋಳದ ಹಿಟ್ಟಿನಲ್ಲಿ ಅದ್ದಿ ತೆಗೆದು, ನಂತ್ರ ಬ್ರೆಡ್ ಪುಡಿಯಲ್ಲಿ ಹೊರಳಾಡಿಸಿ. ಹೀಗೆ ಎಲ್ಲ ಕಟ್ಲೇಟ್ ಗಳನ್ನೂ ಸಿದ್ದ ಪಡಿಸಿಕೊಳ್ಳಿ. 
12. ದೋಸೆ ಕಾವಲಿಯಲ್ಲಿ ಸ್ವಲ್ಪ ಎಣ್ಣೆ ಚಿಮುಕಿಸಿ ಬಿಸಿ ಮಾಡಿ. 
13. ತಯಾರಿಸದ ಕಟ್ಲೇಟ್ ನ್ನು ಅಗತ್ಯವಿದ್ದಷ್ಟು ಎಣ್ಣೆ ಚಿಮುಕಿಸಿ ಎರಡು ಬದಿ ಕಾಯಿಸಿ. ಬಿಸಿ ಬಿಸಿಯಾಗಿ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Matvadi palya recipe in Kannada | ಮಟವಾಡಿ ಪಲ್ಯ ಮಾಡುವ ವಿಧಾನ

Matvadi palya recipe in Kannada | ಮಟವಾಡಿ ಪಲ್ಯ ಮಾಡುವ ವಿಧಾನ 

ಮಾಟವಾಡಿ ಪಲ್ಯ ವಿಡಿಯೋ

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1ಕಪ್ ತೊಗರಿಬೇಳೆ 
2. 4 ಕಪ್ ಹೆಚ್ಚಿದ ಮೆಂತ್ಯ ಸೊಪ್ಪು
3. 2 - 4 ಸಣ್ಣಗೆ ಹೆಚ್ಚಿದ ಹಸಿರು ಮೆಣಸಿನಕಾಯಿ 
4. 1 " ಉದ್ದದ ಶುಂಠಿ
5. 1/2 ಕಪ್ ತೆಂಗಿನತುರಿ 

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 4 ಟೇಬಲ್ ಚಮಚ ಎಣ್ಣೆ
2. 1 ಟೀ ಚಮಚ ಸಾಸಿವೆ 
3. 1 ಟೀ ಚಮಚ ಜೀರಿಗೆ
4. 1 ಟೀ ಚಮಚ ಉದ್ದಿನಬೇಳೆ 
5. 1 ಟೀ ಚಮಚ ಕಡ್ಲೆಬೇಳೆ
6. 1 ಒಣಮೆಣಸು
7. 5 - 6 ಸಣ್ಣಗೆ ಹೆಚ್ಚಿದ ಕರಿಬೇವಿನ ಎಲೆ 
8. ಒಂದು ದೊಡ್ಡ ಚಿಟಿಕೆ ಇಂಗು 
9. ಒಂದು ದೊಡ್ಡ ಚಿಟಿಕೆ ಅರಿಶಿನ
10. ನಿಮ್ಮ ರುಚಿ ಪ್ರಕಾರ ಉಪ್ಪು
11. ನಿಂಬೆರಸ (ಬೇಕಾದಲ್ಲಿ)

ಮಟವಾಡಿ ಪಲ್ಯ ಮಾಡುವ ವಿಧಾನ:

1. ಬೇಳೆಯನ್ನು ತೊಳೆದು 2 ಘಂಟೆಗಳ ಕಾಲ ನೆನೆಸಿಡಿ. 
2. ನೆನೆದ ನಂತರ ನೀರು ಬಗ್ಗಿಸಿ. ಹಸಿರುಮೆಣಸಿನಕಾಯಿ ಮತ್ತು ಶುಂಠಿಯೊಂದಿಗೆ, ನೀರು ಹಾಕದೆ ತರಿ ತರಿಯಾಗಿ ರುಬ್ಬಿ ಕೊಳ್ಳಿ. 
3. ಅದಕ್ಕೆ ಹೆಚ್ಚಿದ ಮೆಂತ್ಯ ಸೊಪ್ಪು ಮತ್ತು ತೆಂಗಿನತುರಿ ಹಾಕಿ ಕಲಸಿ. 
4. ೧೫ ನಿಮಿಷಗಳ ಕಾಲ ಆವಿ ಅಥವಾ ಸೆಕೆಯಲ್ಲಿ ಬೇಯಿಸಿ. ನಂತ್ರ ಪುಡಿಪುಡಿ ಮಾಡಿಟ್ಟುಕೊಳ್ಳಿ. 
5. ಒಂದು ಬಾಣಲೆಯಲ್ಲಿ ಒಗ್ಗರಣೆಗೆ ಪಟ್ಟಿ ಮಾಡಿದ ಪದಾರ್ಥಗಳನ್ನು ಹಾಕಿ ಒಗ್ಗರಣೆ ಮಾಡಿ. 
6. ಅದಕ್ಕೆ ಪುಡಿ ಮಾಡಿಟ್ಟ ಬೇಳೆ ಮತ್ತು ಮೆಂತ್ಯಸೊಪ್ಪಿನ ಮಿಶ್ರಣ ಸೇರಿಸಿ. ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ.
7. ಸಣ್ಣ ಉರಿಯಲ್ಲಿ ಬೇಯಿಸಿ. ಅಗತ್ಯವಿದ್ದಲ್ಲಿ ಸ್ವಲ್ಪ ನೀರು ಚಿಮುಕಿಸಿ ಬೇಯಿಸಿ. 
8. ಕೊನೆಯಲ್ಲಿ ನಿಂಬೆರಸ ಹಾಕಿ. ಚಪಾತಿ ಅಥವಾ ಅನ್ನದೊಂದಿಗೆ ಬಡಿಸಿ. 

To see step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)

Shenga or Kadlekai chutney recipe in Kannada | ಶೇಂಗಾ ಚಟ್ನಿ ಮಾಡುವ ವಿಧಾನ

Shenga or Kadlekai chutney recipe in Kannada |  ಶೇಂಗಾ ಚಟ್ನಿ ಮಾಡುವ ವಿಧಾನ 

ಬೇಕಾಗುವ ಪದಾರ್ಥಗಳು: ( ಅಳತೆ ಕಪ್ = 240 ಎಂಎಲ್ )

1. 1/2 ಕಪ್ ಶೇಂಗಾ ಅಥವಾ ಕಡ್ಲೆಕಾಯಿ
2. 2-4 ಒಣ ಮೆಣಸಿನಕಾಯಿ
3. 3 - 4 ಬೇಳೆ ಬೆಳ್ಳುಳ್ಳಿ 
4. 3 - 4 ಕರಿಬೇವಿನ ಎಲೆ
5. 1/4 ಕಪ್ ತೆಂಗಿನ ತುರಿ
6. ಸಣ್ಣ ಗೋಲಿ ಗಾತ್ರದ ಹುಣಿಸೆಹಣ್ಣು
7. ಉಪ್ಪು ರುಚಿಗೆ ತಕ್ಕಷ್ಟು
8. 1 ಟೀಸ್ಪೂನ್ ಅಡುಗೆ ಎಣ್ಣೆ

ಒಗ್ಗರಣೆಗೆ ಬೇಕಾಗುವ ಪದಾರ್ಥಗಳು:

1. 1/2 ಟೀಸ್ಪೂನ್ ಸಾಸಿವೆ
2. 1 ಒಣ ಮೆಣಸಿನಕಾಯಿ ಅಥವಾ ಹಸಿ ಮೆಣಸಿನಕಾಯಿ
3. 3 - 4 ಕರಿಬೇವಿನ ಎಲೆ
4. 2 ಟೀಸ್ಪೂನ್ ಅಡುಗೆ ಎಣ್ಣೆ

ಶೇಂಗಾ ಚಟ್ನಿ ಮಾಡುವ ವಿಧಾನ:

1. ಬಾಣಲೆಯಲ್ಲಿ ಒಂದು ಚಮಚ ಎಣ್ಣೆ ಬಿಸಿ ಮಾಡಿ, ಅರ್ಧ ಕಪ್ ಶೇಂಗಾ ಅಥವಾ ನೆಲಗಡಲೆ ಹಾಕಿ ಮಧ್ಯಮ ಉರಿಯಲ್ಲಿ ಹುರಿಯಿರಿ. (ಗಮನಿಸಿ, ಶೇಂಗಾ ಮತ್ತು ತೆಂಗಿನ ತುರಿಯ ಪ್ರಮಾಣವನ್ನು ನಿಮ್ಮಿಷ್ಟದಂತೆ ಬದಲಾಯಿಸಬಹುದು.) 
2. ನೆಲಗಡಲೆ ಕಂದು ಬಣ್ಣಕ್ಕೆ ತಿರುಗಿ, ಗರಿ-ಗರಿಯಾದಾಗ ಒಣಮೆಣಸು ಮತ್ತು ಸಿಪ್ಪೆ ತೆಗೆದು ಕತ್ತರಿಸಿದ ಬೆಳ್ಳುಳ್ಳಿ ಹಾಕಿ. ಒಂದೆರಡು ನಿಮಿಷ ಹುರಿಯಿರಿ. 
3. ಕೊನೆಯಲ್ಲಿ ಕರಿಬೇವು ಮತ್ತು ತೆಂಗಿನ ತುರಿ ಹಾಕಿ, ಮಗುಚಿ ಸ್ಟವ್ ಆಫ್ ಮಾಡಿ. 
4. ಉಪ್ಪು, ಹುಣಿಸೇಹಣ್ಣು ಮತ್ತು ಅಗತ್ಯವಿದ್ದಷ್ಟು ನೀರು ಹಾಕಿ ನುಣ್ಣನೆ ಅರೆಯಿರಿ. 
5. ಅದನ್ನು ಒಂದು ಬಟ್ಟಲಿಗೆ ಹಾಕಿ. ಈ ಚಟ್ನಿ ಸ್ವಲ್ಪ ತೆಳ್ಳಗಿರಬೇಕು. ಅಗತ್ಯವಿದ್ದಷ್ಟು ನೀರು ಸೇರಿಸಿ. 
6. ಎಣ್ಣೆ, ಸಾಸಿವೆ, ಒಣಮೆಣಸು ಮತ್ತು ಕರಿಬೇವಿನ ಒಗ್ಗರಣೆ ಕೊಡಿ. ಇಡ್ಲಿ ಅಥವಾ ದೋಸೆಯೊಂದಿಗೆ ಬಡಿಸಿ.

For step by step pictures click here (ಹಂತ ಹಂತವಾದ ಚಿತ್ರ ವೀಕ್ಷಿಸಲು ಇಲ್ಲಿ ಕ್ಲಿಕ್ಕಿಸಿ)